ავტომაგისტრალი

შეხედე იმ მწვანე ნიშანს მარჯვნივ. ეგ ავტომაგისტრალის ნიშანია და ყველაფერს წყვეტს. ავტომაგისტრალზე ტრაქტორით მოძრაობა საერთოდ არ შეიძლება. წერტილი. ანუ, ის უკვე არღვევს. დიდ სატვირთოს კი, ანუ ტრაილერს, ეკრძალება ყველაზე მარცხენა ზოლში მოძრაობა. მსუბუქი მანქანა არაფერს აშავებს. ამიტომ, წესებს მხოლოდ ტრაქტორი და სატვირთო არღვევენ.

კანონი: „საგზაო მოძრაობის შესახებ“ საქართველოს კანონის 38-ე მუხლის პირველი პუნქტის „ა“ და „გ.გ“ ქვეპუნქტების თანახმად, ავტომაგისტრალზე, ავტომაგისტრალის შესასვლელსა და გამოსასვლელზე: ა) აკრძალულია ქვეითის, ცხოველის, ველოსიპედის, მოპედის, ორბორბლიანი ელექტროთვითმგორავის, ავტომობილისა და მათი მისაბმელებისგან განსხვავებული ყველა სატრანსპორტო საშუალების მოძრაობა. გ.გ) მძღოლს ეკრძალება მეორე ზოლის იქით იმ ტვირთის გადამზიდავი ავტომობილით (მისაბმელებით ან მათ გარეშე) მოძრაობა, რომლის ნებადართული მაქსიმალური მასა 3,5 ტონას აღემატება ან იმ მისაბმელიანი ავტომობილებით მოძრაობა, რომელთა საერთო სიგრძე 7 მეტრზე მეტია.

დააკვირდი საგზაო ნიშანს, წითელი წრით. ის პირდაპირ გეუბნება, რომ სატვირთო მანქანით გასწრება აკრძალულია. სურათზე სატვირთო ზუსტად ამ მანევრს ასრულებს, ანუ არღვევს წესს. მსუბუქი ავტომობილი კი უბრალოდ აგრძელებს გზას, რისი უფლებაც, რა თქმა უნდა, აქვს.

კანონი: „საგზაო მოძრაობის შესახებ“ საქართველოს კანონის პირველი დანართის 3.22 პუნქტის თანახმად, საგზაო ნიშანი 3.22 „სატვირთო ავტომობილით გასწრება აკრძალულია” - კრძალავს 3,5 ტონაზე მეტი ნებადართული მაქსიმალური მასის მქონე სატვირთო ავტომობილით სხვა სატრანსპორტო საშუალების გასწრებას (გარდა 30 კმ/სთ-ზე ნაკლები სიჩქარით მოძრავი ტრანსპორტისა), აგრეთვე ტრაქტორით სხვა სატრანსპორტო საშუალების გასწრებას (გარდა საჭაპანო ტრანსპორტისა და ველოსიპედისა). ამავე კანონის 38-ე მუხლის მე-5 პუნქტის თანახმად, ამ მუხლის პირველი−მე-3 პუნქტების გამოყენებისას ავტომაგისტრალს უთანაბრდება საავტომობილო მოძრაობისათვის განკუთვნილი და 5.3 საგზაო ნიშნით აღნიშნული ის გზები, რომლებიც მიმდებარე ტერიტორიებს არ ემსახურება. ამავე დანართის 5.3 პუნქტის თანახმად საგზაო ნიშანი 5.3. „საავტომობილო გზა“ − გზა, რომელიც განკუთვნილია მხოლოდ ავტომობილისა და მოტოციკლის მოძრაობისათვის.

დაიმახსოვრე, ავტომაგისტრალზე ბევრს ეკრძალება მოძრაობა, მაგრამ ავტომატარებელს - არა. ამ კითხვაში სწორი პასუხი ყოველთვის ავტომატარებელია.

კანონი: „საგზაო მოძრაობის შესახებ“ საქართველოს კანონის 38-ე მუხლის პირველი პუნქტის „ა“ ქვეპუნქტის თანახმად, ავტომაგისტრალზე, ავტომაგისტრალის შესასვლელსა და გამოსასვლელზე აკრძალულია ქვეითის, ცხოველის, ველოსიპედის, მოპედის, ორბორბლიანი ელექტროთვითმგორავის, ავტომობილისა და მათი მისაბმელებისგან განსხვავებული ყველა სატრანსპორტო საშუალების მოძრაობა, აგრეთვე იმ ავტომობილის (მისაბმელით ან მის გარეშე) მოძრაობა, რომლის კონსტრუქციული სიჩქარე არ აღემატება 40 კმ/სთ-ს (ეს შეზღუდვა არ ვრცელდება იმ მექანიკურ სატრანსპორტო საშუალებაზე, რომელიც ავტომაგისტრალზე მოძრაობს უფლებამოსილ ორგანოსთან (უწყებასთან) საქართველოს კანონმდებლობით დადგენილი წესით შეთანხმებისა და ამ შეთანხმების პირობების შესაბამისად).

დაიმახსოვრე: ავტომაგისტრალზე მობრუნება, უკუსვლა, გამყოფ ზოლზე გასვლა და სასწავლო სვლა აკრძალულია. მეორე ზოლის იქით მოძრაობა კი ეკრძალება მხოლოდ ისეთ სატვირთო ავტომობილს, რომლის მასა 3,5 ტონაზე მეტია. მგზავრების გადამყვან ავტომობილს, მაგალითად ავტობუსს, ეს აკრძალვა არ ეხება. ამიტომ სწორია მესამე პასუხი.

კანონი: „საგზაო მოძრაობის შესახებ“ საქართველოს კანონის 38-ე მუხლის პირველი პუნქტის „ბ“ ქვეპუნქტის თანახმად, ავტომაგისტრალზე, ავტომაგისტრალის შესასვლელსა და გამოსასვლელზე აკრძალულია სასწავლო სვლა. ამავე პუნქტის „გ.ბ“ ქვეპუნქტის თანახმად ავტომაგისტრალებზე, ავტომაგისტრალების შესასვლელებზე და გამოსასვლელებზე მძღოლს ეკრძალება მობრუნება ან უკუსვლით მოძრაობა, აგრეთვე ცენტრალურ გამყოფ ზოლსა და გზის ორივე სავალი ნაწილის განივ შეერთებაზე გასვლა.

რა მარტივია! შეხედე, ავტომაგისტრალიდან გასასვლელ ზოლს დასაწყისი აქვს. მთელი იდეა ისაა, რომ ამ ზოლში თავიდანვე შეხვიდე და მშვიდად შეანელო, ისე, რომ ავტომაგისტრალზე სწრაფად მომავალ მანქანებს ხელი არ შეუშალო. ამიტომ, რა თქმა უნდა, B ტრაექტორიით უნდა იმოძრაო.

კანონი: „საგზაო მოძრაობის შესახებ“ საქართველოს კანონის 38-ე მუხლის მე-3 პუნქტის თანახმად, ავტომაგისტრალიდან გამოსვლისას მძღოლი დროულად უნდა გადავიდეს ავტომაგისტრალიდან გამოსასვლელის მიმდებარე ზოლზე და რაც შეიძლება სწრაფად შევიდეს მოძრაობის შენელების ზოლზე, თუ ასეთი ზოლი არსებობს.

ამ ზოლს ტყუილად კი არ ჰქვია აჩქარების ზოლი. მისი მთელი აზრი ისაა, რომ სიჩქარე აკრიფო და მაგისტრალზე მოძრავ მანქანებს ფეხი აუწყო. A ტრაექტორიით ამას ვერ მოახერხებ, ამიტომ სწორია B, რომ ბოლომდე გამოიყენო ზოლი და უსაფრთხოდ შეერწყა ნაკადს.

კანონი: „საგზაო მოძრაობის შესახებ“ საქართველოს კანონის 32-ე მუხლის მე-14 პუნქტის თანახმად, გზაზე გასასვლელ ადგილზე გაქანების ზოლის არსებობის შემთხვევაში მძღოლმა ამ ზოლზე უნდა იმოძრაოს და მეზობელ მოძრაობის ზოლზე გადაადგილებისას გზა უნდა დაუთმოს მასზე მოძრავ სატრანსპორტო საშუალებებს. ამავე კანონის 38-ე მუხლის მე-2 პუნქტის თანახმად, ავტომაგისტრალზე შესვლისას მძღოლი ვალდებულია გზა დაუთმოს ავტომაგისტრალზე მოძრავ ავტომობილებს. აჩქარების ზოლის არსებობისას მან უნდა ისარგებლოს ასეთი ზოლით.

დაიმახსოვრე: ავტომაგისტრალზე შესვლისას უპირატესობა აქვს მთავარ გზაზე მოძრავ ტრანსპორტს. ამ შემთხვევაში უპირატესობა მოტოციკლს ენიჭება.

კანონი: „საგზაო მოძრაობის შესახებ“ საქართველოს კანონის 38-ე მუხლის მე-2 პუნქტის თანახმად, ავტომაგისტრალზე შესვლისას მძღოლი ვალდებულია გზა დაუთმოს ავტომაგისტრალზე მოძრავ ავტომობილებს. აჩქარების ზოლის არსებობისას მან უნდა ისარგებლოს ასეთი ზოლით.

შეხედე მწვანე ნიშანს, ეგ "ავტომაგისტრალის" ნიშანია და აქ განსაკუთრებული წესები მოქმედებს. სწორედ ამიტომ, სატვირთოს არ აქვს უფლება, მარცხენა ზოლში იმოძრაოს. პირველი დამრღვევიც ეგაა. მსუბუქი ავტომობილი კი შუა ზოლიდან ცდილობს გადასვლას, რაც ასევე დარღვევაა. ავტომაგისტრალიდან გასასვლელად, ჯერ მარჯვენა ზოლში უნდა გადმოწყობილიყო. მოკლედ, ორივე მძღოლი არღვევს.

კანონი: „საგზაო მოძრაობის შესახებ“ საქართველოს კანონის 38-ე მუხლის პირველი პუნქტის „გ.გ“ ქვეპუნქტის თანახმად, ავტომაგისტრალზე, ავტომაგისტრალის შესასვლელსა და გამოსასვლელზე მძღოლს ეკრძალება მეორე ზოლის იქით იმ ტვირთის გადამზიდავი ავტომობილით (მისაბმელებით ან მათ გარეშე) მოძრაობა, რომლის ნებადართული მაქსიმალური მასა 3,5 ტონას აღემატება ან იმ მისაბმელიანი ავტომობილებით მოძრაობა, რომელთა საერთო სიგრძე 7 მეტრზე მეტია. ამავე მუხლის მე-3 პუნქტის თანახამდ, ავტომაგისტრალიდან გამოსვლისას მძღოლი დროულად უნდა გადავიდეს ავტომაგისტრალიდან გამოსასვლელის მიმდებარე ზოლზე და რაც შეიძლება სწრაფად შევიდეს მოძრაობის შენელების ზოლზე, თუ ასეთი ზოლი არსებობს.

შეხედე მწვანე ნიშანს, ეგ „ავტომაგისტრალის“ ნიშანია და აქ განსაკუთრებული წესებია. ტრაქტორი ზედმეტად ნელია ავტომაგისტრალისთვის, ამიტომ აქ საერთოდ არ უნდა იყოს. სატვირთო კი 10 მეტრიანია და ასეთ გრძელ მანქანებს ამ ზოლში, ანუ ყველაზე მარცხენაში, მოძრაობა ეკრძალებათ. ასე რომ, მოძრაობას აგრძელებს მხოლოდ კვადროციკლი. მარტივია, არა?

კანონი: „საგზაო მოძრაობის შესახებ“ საქართველოს კანონის 38-ე მუხლის პირველი პუნქტის „გ.გ“ ქვეპუნქტის თანახმად, ავტომაგისტრალზე, ავტომაგისტრალის შესასვლელსა და გამოსასვლელზე მძღოლს ეკრძალება მეორე ზოლის იქით იმ ტვირთის გადამზიდავი ავტომობილით (მისაბმელებით ან მათ გარეშე) მოძრაობა, რომლის ნებადართული მაქსიმალური მასა 3,5 ტონას აღემატება ან იმ მისაბმელიანი ავტომობილებით მოძრაობა, რომელთა საერთო სიგრძე 7 მეტრზე მეტია. ამავე მუხლის პირველი პუნქტის „ა“ ქვეპუნქტის თანახმად, აკრძალულია ქვეითების, ცხოველების, ველოსიპედების, მოპედების, ავტომობილებისა და მათი მისაბმელებისგან განსხვავებული ყველა სატრანსპორტო საშუალების მოძრაობა, აგრეთვე იმ ავტომობილების (მისაბმელებით ან მათ გარეშე) მოძრაობა, რომელთა კონსტრუქციული სიჩქარე არ აღემატება 40 კმ/სთ (აღნიშნული შეზღუდვა არ ვრცელდება იმ მექანიკურ სატრანსპორტო საშუალებებზე, რომლებიც ავტომაგისტრალზე გადაადგილდებიან უფლებამოსილი ორგანოსთან (უწყებასთან) კანონმდებლობით დადგენილი წესით შეთანხმებისა და ამ შეთანხმების პირობების შესაბამისად). ამავე კანონის 33-ე მუხლის მე-8 პუნქტის „ა“ ქვეპუნქტის თანახმად, თუ ამ კანონით სხვა რამ არ არის დადგენილი დასახლებულ ან დაუსახლებელ პუნქტებში მოძრაობა ნებადართულია T და S კატეგორიის სატრანსპორტო საშუალებებისა, ყველა გზაზე - არა უმეტეს 40 კმ/სთ სიჩქარით.

"ყველაფერს წყვეტს აი, ის მწვანე ნიშანი. ეს ავტომაგისტრალია. ავტომაგისტრალზე მოპედით სიარული არ შეიძლება, ამიტომ ის არღვევს. 3.5 ტონაზე მძიმე სატვირთოს კი, თუ სამი ზოლია, მარცხენა, მესამე ზოლში მოძრაობა ეკრძალება. ასე რომ, წესების დაცვით მხოლოდ მსუბუქი ავტომობილი მოძრაობს."

კანონი: „საგზაო მოძრაობის შესახებ“ საქართველოს კანონის 38-ე მუხლის პირველი პუნქტის „ა“ ქვეპუნქტის თანახმად, აკრძალულია ქვეითების, ცხოველების, ველოსიპედების, მოპედების, ავტომობილებისა და მათი მისაბმელებისგან განსხვავებული ყველა სატრანსპორტო საშუალების მოძრაობა, აგრეთვე იმ ავტომობილების (მისაბმელებით ან მათ გარეშე) მოძრაობა, რომელთა კონსტრუქციული სიჩქარე არ აღემატება 40 კმ/სთ (აღნიშნული შეზღუდვა არ ვრცელდება იმ მექანიკურ სატრანსპორტო საშუალებებზე, რომლებიც ავტომაგისტრალზე გადაადგილდებიან უფლებამოსილი ორგანოსთან (უწყებასთან) კანონმდებლობით დადგენილი წესით შეთანხმებისა და ამ შეთანხმების პირობების შესაბამისად). ამავე პუნქტის „გ.გ“ ქვეპუნქტის თანახმად, ავტომაგისტრალზე, ავტომაგისტრალის შესასვლელსა და გამოსასვლელზე მძღოლს ეკრძალება მეორე ზოლის იქით იმ ტვირთის გადამზიდავი ავტომობილით (მისაბმელებით ან მათ გარეშე) მოძრაობა, რომლის ნებადართული მაქსიმალური მასა 3,5 ტონას აღემატება ან იმ მისაბმელიანი ავტომობილებით მოძრაობა, რომელთა საერთო სიგრძე 7 მეტრზე მეტია.