მოძრაობის დაწყება, ზოლის შეცვლა, გაქანება/დამუხრუჭების ზოლი

შეხედე, შავი მანქანა სპეციალური ზოლიდან ცდილობს მთავარ გზაზე შემოსვლას. ასეთ დროს, ვინც უკვე მთავარ გზაზეა, იმას აქვს უპირატესობა. მარტივია - ვინც მოძრაობაში ერთვება, ის ყოველთვის თმობს.

კანონი: „საგზაო მოძრაობის შესახებ“ საქართველოს კანონის 32-ე მუხლის მე-14 პუნქტის თანახმად, გზაზე გასასვლელ ადგილზე გაქანების ზოლის არსებობის შემთხვევაში მძღოლმა ამ ზოლზე უნდა იმოძრაოს და მეზობელ მოძრაობის ზოლზე გადაადგილებისას გზა უნდა დაუთმოს მასზე მოძრავ სატრანსპორტო საშუალებებს.

აქ მთავარი ისაა, რომ ორივე მანქანა ერთდროულად იცვლის ზოლს. ასეთ სიტუაციაში ყოველთვის მოქმედებს „მარჯვენა ხელის წესი“. რუხი ავტომობილი თეთრისთვის მარჯვნიდან არის, ამიტომ სწორედ თეთრი უთმობს გზას.

კანონი: „საგზაო მოძრაობის შესახებ“ საქართველოს კანონის 32-ე მუხლის მე-4 პუნქტის თანახმად, მოძრაობის ზოლიდან ზოლში მოძრაობის მიმართულების შეუცვლელად გადასვლისას მძღოლმა გზა უნდა დაუთმოს გადასასვლელ მოძრაობის ზოლში თანმხვედრი მიმართულებით მოძრავ სატრანსპორტო საშუალებას. თანმხვედრი მიმართულებით მოძრავი სატრანსპორტო საშუალებების მიერ მოძრაობის ზოლების ერთდროულად შეცვლისას მოძრაობის ტრაექტორიების გადაკვეთის შემთხვევაში გავლის უპირატესობა ენიჭება მარჯნივ მყოფ სატრანსპორტო საშუალების მძღოლს.

წარმოიდგინე, რომ შენ ხარ ყვითელი მანქანის მძღოლი. შენს ზოლში, შენს გზაზე მიდიხარ, ხომ მართალია? თეთრი მანქანა კი შენს ზოლში გადმოდის, რომ წრიდან გავიდეს. ხოდა, რადგან ის აკეთებს მანევრს და შენს გზას კვეთს, სწორედ მან უნდა დაგითმოს. მარტივია, ვინც ზოლს იცვლის, ის თმობს

კანონი: „საგზაო მოძრაობის შესახებ“ საქართველოს კანონის 32-ე მუხლის მე-4 პუნქტის თანახმად, მოძრაობის ზოლიდან ზოლში მოძრაობის მიმართულების შეუცვლელად გადასვლისას მძღოლმა გზა უნდა დაუთმოს გადასასვლელ მოძრაობის ზოლში თანმხვედრი მიმართულებით მოძრავ სატრანსპორტო საშუალებას. თანმხვედრი მიმართულებით მოძრავი სატრანსპორტო საშუალებების მიერ მოძრაობის ზოლების ერთდროულად შეცვლისას მოძრაობის ტრაექტორიების გადაკვეთის შემთხვევაში გავლის უპირატესობა ენიჭება მარჯნივ მყოფ სატრანსპორტო საშუალების მძღოლს.

აქ მთავარია, საიდან გამოდის წითელი მანქანა. ის ხომ ავტოგასამართი სადგურის ტერიტორიიდან შემოდის გზაზე. დაიმახსოვრე მარტივი წესი: ეზოდან, ბენზინგასამართი სადგურიდან თუ ნებისმიერი სხვა მიმდებარე ტერიტორიიდან გამოსვლისას, ყოველთვის გზა უნდა დაუთმო მას, ვინც უკვე გზაზე მოძრაობს. ამიტომ, ამ სიტუაციაში გზის დათმობა მსუბუქი ავტომობილის მძღოლს ევალება.

კანონი: „საგზაო მოძრაობის შესახებ“ საქართველოს კანონის 32-ე მუხლის მე-3 პუნქტის თანახმად, მიმდებარე ტერიტორიიდან გზაზე გასვლისას მძღოლი ვალდებულია გზა დაუთმოს გზაზე მოძრავ სატრანსპორტო საშუალებასა და ქვეითს, ხოლო გზიდან გადასვლისას – იმ ქვეითს, ველოსიპედისტს, მოპედისა და ორბორბლიანი ელექტროთვითმგორავის მძღოლებს, რომლებსაც გზას უჭრის.

აქ მთავარი ისაა, რომ რუხი ავტომობილი ზოლს იცვლის, თანაც ერთდროულად რამდენიმეს. დაიმახსოვრე მარტივი წესი: ვინც მანევრირებს, ის თმობს. რადგან რუხი მანქანა გადადის სხვა ზოლებში, გზა უნდა დაუთმოს ყველას, ვინც უკვე იქ მოძრაობს. ამიტომ, ის უთმობს მოტოციკლსაც და თეთრ ავტომობილსაც. შესაბამისად, მას არავის მიმართ არ აქვს უპირატესობა.

კანონი: „საგზაო მოძრაობის შესახებ“ საქართველოს კანონის 32-ე მუხლის მე-4 პუნქტის თანახმად, მოძრაობის მიმართულების შეუცვლელად მოძრაობის ზოლიდან ზოლში გადასვლისას, მძღოლმა გზა უნდა დაუთმოს გადასასვლელ მოძრაობის ზოლში თანმხვედრი მიმართულებით მოძრავ სატრანსპორტო საშუალებას.

აქ მარტივი წესია: ვინც მარჯვნივაა, ის პირველია. სატვირთოსთვის შენ, ანუ მსუბუქი ავტომობილი, ხარ მარჯვნივ. ამიტომ, როცა ორივე ერთდროულად იცვლით ზოლს, გზა შენია.

კანონი: „საგზაო მოძრაობის შესახებ“ საქართველოს კანონის 32-ე მუხლის მე-4 პუნქტის თანახმად, მოძრაობის მიმართულების შეუცვლელად მოძრაობის ზოლიდან ზოლში გადასვლისას, მძღოლმა გზა უნდა დაუთმოს გადასასვლელ მოძრაობის ზოლში თანმხვედრი მიმართულებით მოძრავ სატრანსპორტო საშუალებას. თანმხვედრი მიმართულებით მოძრავი სატრანსპორტო საშუალებების მიერ, მოძრაობის ზოლების ერთდროულად შეცვლისას, მოძრაობის ტრაექტორიების გადაკვეთის შემთხვევაში, გავლის უპირატესობა ენიჭება მარჯნივ მყოფ სატრანსპორტო საშუალების მძღოლს.

დაიმახსოვრე: მანევრს იწყებ მხოლოდ მაშინ, როცა დარწმუნდები, რომ საფრთხეს არ უქმნი არავის — არც წინ, არც უკან და არც გვერდით.

კანონი: „საგზაო მოძრაობის შესახებ“ საქართველოს კანონის 32-ე მუხლის პირველი პუნქტის თანახმად, მძღოლმა, რომელსაც განზრახული აქვს რომელიმე მანევრის შესრულება, ეს მანევრი უნდა დაიწყოს მხოლოდ მას შემდეგ, რაც დარწმუნდება, რომ არ შეუქმნის საფრთხეს მის უკან, წინ და გვერდით როგორც თანმხვედრი, ისე საპირისპირო მიმართულებით მოძრავ საგზაო მოძრაობის მონაწილეებს, მათი მდებარეობის, მოძრაობის მიმართულებისა და სიჩქარის გათვალისწინებით.