საგზაო მონიშვნა

შეხედე, მანქანა მარცხენა ზოლში დგას. ამ ზოლიდან შეგიძლია იმოძრაო პირდაპირ (B) ან მოუხვიო მარცხნივ (C). მარჯვნივ მოსახვევად (A) კი, აუცილებლად მარჯვენა, ანუ განაპირა ზოლში უნდა იდგე. ამიტომ, A მიმართულებით მოძრაობა იკრძალება.

კანონი: „საგზაო მოძრაობის შესახებ“ საქართველოს კანონის 32-ე მუხლის მე-5 პუნქტის თანახმად, გარდა იმ შემთხვევისა, როცა მოხვევა სრულდება გზაჯვარედინზე გასასვლელად, სადაც წრიული მოძრაობაა ორგანიზებული, მარჯვნივ ან მარცხნივ მოხვევის წინ, აგრეთვე მობრუნების წინ, სატრანსპორტო საშუალების მძღოლი ვალდებულია დროულად დაიკავოს შესაბამისი განაპირა მდებარეობა სავალ ნაწილზე, რომელიც თანმხვედრი მიმართულებით მოძრაობისთვისაა განკუთვნილი. ამავე კანონის მე-2 დანართის 1.1 პუნქტის თანახმად, ჰორიზონტალური საგზაო მონიშვნა 1.1 ყოფს საპირისპირო მიმართულებით მოძრავ სატრანსპორტო ნაკადებს და გზის სახიფათო მონაკვეთზე - აღნიშნავს მოძრაობის ზოლის საზღვრს ან სავალი ნაწილის საზღვრს, რომლებზე შესვლა აკრძალულია; აღნიშნავს სატრანსპორტო საშუალების დგომის ადგილის საზღვრს და იმ გზის სავალი ნაწილის ნაპირს, რომლიც მოძრაობის პირობებით არ განეკუთვნება ავტომაგისტრალს. 1.1 ხაზის გადაკვეთა აკრძალულია. დასაშვებია სავალი ნაწილის ნაპირის აღმნიშვნელი და მძღოლის მარჯვენა მხარეს განლაგებული 1.1 ხაზის გადაკვეთა სატრანსპორტო საშუალების გზის ნაპირზე გასაჩერებლად.

მთავარი აქ ღერძულა ხაზია. შეხედე, თეთრი მანქანის მხარეს წყვეტილია, მოტოციკლის მხარეს კი – უწყვეტი, როგორც კედელი. წესიც ზუსტად ესაა: ვის მხარესაც ხაზი წყვეტილია, იმას შეუძლია გადაკვეთა. ვის მხარესაც უწყვეტია – ეკრძალება. ამიტომ, მობრუნება მხოლოდ მოტოციკლის მძღოლს ეკრძალება.

კანონი: „საგზაო მოძრაობის შესახებ“ საქართველოს კანონის მე-2 დანართის პირველი თავის (ჰორიზონტალური მონიშვნა) 1.11 პუნქტის თანახმად, საგზაო მონიშვნა 1.11 ყოფს საპირისპირო ან იმავე მიმართულებით მოძრავ სატრანსპორტო ნაკადებს გზის მონაკვეთზე, სადაც გადაჯგუფება ნებადართულია მხოლოდ ერთი ზოლიდან; აღნიშნავს მობრუნების ადგილს, სადგომი მოედნიდან გამოსასვლელსა და შესასვლე¬ლს და ა. შ., სადაც მოძრაობა ნებადართულია მხოლოდ ერთ მხარეს. 1.11 ხაზის გადაკვეთა ნებადართულია წყვეტილი ხაზის მხრიდან, ასევე უწყვეტი ხაზის მხრიდან, მაგრამ მხოლოდ გასწრების ან შემოვლის დამთავრებისას.

შეხედე გზის შუაში გავლებულ ხაზს. ხედავ, რომ წყვეტილია? სწორედ ეს წყვეტილი ხაზი ნიშნავს, რომ მისი გადაკვეთა და, შესაბამისად, მობრუნებაც ორივე მხრიდან თავისუფლად შეიძლება. ამიტომ, ამ სიტუაციაში მობრუნება არცერთ მძღოლს არ ეკრძალება.

კანონი: „საგზაო მოძრაობის შესახებ“ საქართველოს კანონის მე-2 დანართის პირველი თავის (ჰორიზონტალური მონიშვნა) 1.11 პუნქტის თანახმად, საგზაო მონიშვნა 1.5. ყოფს საპირისპირო მიმართულებით მოძრავ სატრანსპორტო ნაკადებს გზაზე, რომელსაც მოძრაობის ორი ან სამი ზოლი აქვს; აღნიშნავს მოძრაობის ზოლის საზღვარს ერთი მიმართულებით მოძრაობისათვის განკუთვნილი ორი ან ორზე მეტი ზოლის არსებობისას. 1.5 ხაზის გადაკვეთა ნებადართულია ნებისმიერი მხრიდან.

ხედავ ზოლებს შორის წყვეტილ ხაზს? ეგაა მთელი საიდუმლო. ეს ხაზი უბრალოდ გზაჯვარედინზე ზოლებს გვანიშნებს და არაფერს გვიკრძალავს. ამიტომ, რადგან სხვა აკრძალვა არ გაქვს, თავისუფლად შეგიძლია წახვიდე პირდაპირ (C), მოუხვიო მარცხნივ (B) და მობრუნდე უკანაც (A).

კანონი: „საგზაო მოძრაობის შესახებ“ საქართველოს კანონის მე-2 დანართის პირველი თავის (ჰორიზონტალური მონიშვნა) 1.7 პუნქტის თანახმად, საგზაო მონიშვნა 1.7 წყვეტილი ხაზი მოკლე შტრიხებითა და იმავე ზომის შუალედებით - აღნიშნავს მოძრაობის ზოლებს გზაჯვარედინის ფარგლებში. 1.7 ხაზის გადაკვეთა ნებადართულია ნებისმიერი მხრიდან.

შეხედე ბორდიურზე გავლებულ ყვითელ ხაზს. დაიმახსოვრე, ასეთი უწყვეტი ყვითელი ხაზი იგივეა, რაც „გაჩერება აკრძალულია“ ნიშანი. სადაც ამ ხაზს დაინახავ, გაჩერება არ შეიძლება, თუნდაც მგზავრის ჩამოსასმელად.

კანონი: „საგზაო მოძრაობის შესახებ“ საქართველოს კანონის მე-2 დანართის პირველი თავის (ჰორიზონტალური მონიშვნა) 1.4 პუნქტის თანახმად, საგზაო მონიშვნა 1.4 მთლიანი ყვითელი ხაზი აღნიშნავს ადგილს, სადაც აკრძალულია გაჩერება; გამოი¬ყენება დამოუკიდებლად ან 3.27 ნიშანთან ერთად; იხაზება სავალი ნაწილის ნაპირთან ან ბორდიურზე ზემოდან.

დაიმახსოვრე: გზის სავალ ნაწილზე დატანილი ასოები და ციფრები (მაგ: M27, E8) ყოველთვის გზის ან მარშრუტის ნომერს აღნიშნავს.

კანონი: „საგზაო მოძრაობის შესახებ“ საქართველოს კანონის მე-2 დანართის პირველი თავის (ჰორიზონტალური მონიშვნა) 1.22 პუნქტის თანახმად, საგზაო მონიშვნა 1.22 აღნიშნავს გზის (მარშრუტის) ნომერს.

შეხედე, გზაზე ყვითელი ზიგზაგია დახატული და მის გვერდით ავტობუსის გაჩერების ნიშანი დგას. ეს ორი ერთად მუშაობს. ეს ზიგზაგი ზუსტად იმას ნიშნავს, რაც ნიშანი – აქ სამარშრუტო ტრანსპორტის გაჩერება ან ტაქსის სადგომია. მარტივია, არა?

კანონი: „საგზაო მოძრაობის შესახებ“ საქართველოს კანონის მე-2 დანართის პირველი თავის (ჰორიზონტალური მონიშვნა) 1.17 პუნქტის თანახმად, საგზაო მონიშვნა 1.17 ყვითელი ხაზი აღნიშნავს სამარშრუტო სატრანსპორტო საშუალების გაჩერების ადგილს და ტაქსის სადგომს.

დაიმახსოვრე: გზაზე დატანილი ეს წითელი მონიშვნა (1.15) ნიშნავს, რომ აქ საველოსიპედო ბილიკი კვეთს გზის სავალ ნაწილს.

კანონი: „საგზაო მოძრაობის შესახებ“ საქართველოს კანონის მე-2 დანართის პირველი თავის (ჰორიზონტალური მონიშვნა) 1.15 პუნქტის თანახმად, საგზაო მონიშვნა 1.15 აღნიშნავს ადგილს, სადაც ველობილიკი კვეთს გზის სავალ ნაწილს.

დაიმახსოვრე: ორმაგი წყვეტილი ხაზი ყოველთვის რევერსული მოძრაობის ზოლს აღნიშნავს.

კანონი: „საგზაო მოძრაობის შესახებ“ საქართველოს კანონის მე-2 დანართის პირველი თავის (ჰორიზონტალური მონიშვნა) 1.9 პუნქტის თანახმად, საგზაო მონიშვნა 1.9 აღნიშნავს რევერსულად მოწესრიგებული მოძრაობის ზოლის საზღვარს; ყოფს საპირისპირო მიმართულებით მოძრავ სატრანსპორტო ნაკადებს (როდესაც გამორთულია რევერსული შუქნიშანი) გზაზე, რომელიც რევერსულად წესრიგდება.

დაიმახსოვრე: წარწერა “BUS” აღნიშნავს სპეციალურ ზოლს. ეს ზოლი განკუთვნილია მხოლოდ სამარშრუტო სატრანსპორტო საშუალებებისათვის.

კანონი: „საგზაო მოძრაობის შესახებ“ საქართველოს კანონის მე-2 დანართის პირველი თავის (ჰორიზონტალური მონიშვნა) 1.23 პუნქტის თანახმად, საგზაო მონიშვნა 1.23 აღნიშნავს სპეციალურ ზოლს, რომელიც განკუთვნილია სამარშრუტო სატრანსპორტო საშუალების მოძრაობისათვის.

დაიმახსოვრე: ზოლის შუაში დახატული ისრები გაფრთხილებს, რომ წინ გზა ვიწროვდება და ზოლების რაოდენობა მცირდება.

კანონი: „საგზაო მოძრაობის შესახებ“ საქართველოს კანონის მე-2 დანართის პირველი თავის (ჰორიზონტალური მონიშვნა) 1.19 პუნქტის თანახმად, საგზაო მონიშვნა 1.19 იძლევა გაფრთხილებას სავალი ნაწილის შევიწროებასთან, იმ მონაკვეთთან, სადაც მცირდება მოცემული მიმართულებით მოძრაობის ზოლების რაოდენობა, ან საპირისპირო მიმართულებით მოძრავი სატრანსპორტო ნაკადების გამყოფ 1.1 ან 1.11 მონიშვნასთან მიახლოების თაობაზე. 1.19 მონიშვნა პირველ შემთხვევაში შეიძლება გამოყენებულ იქნეს 1.21.1–1.21.3 ნიშნებთან ერთად.

დაიმახსოვრე: ეს მონიშვნა აღნიშნავს ხიდის ან გვირაბის ქვედა, სახიფათო ნაპირს. ის გამოიყენება, როცა სიმაღლე 5 მეტრზე ნაკლებია.

კანონი: „საგზაო მოძრაობის შესახებ“ საქართველოს კანონის მე-2 დანართის მე-2 თავის (ვერტიკალური მონიშვნა) 2.2 პუნქტის თანახმად, საგზაო მონიშვნა 2.2 - აღნიშნავს გვირაბის, ხიდის, გზაგამტარისა და სხვა ნაგებობის ელემენტის ქვედა ნაპირს, რომელიც განთავსებულია გზის სავალი ნაწილიდან 5 მეტრზე ნაკლებ სიმაღლეზე და რომლის ქვეშ მთლიანად ან ნაწილობრივ გადის გზის სავალი ნაწილი.