მომსახურების წესები და პირობები

1.ვინ ვართ და რას არეგულირებს ეს წესები

1.1ვებგვერდს lane.ge და მობილურ აპლიკაციას „Lane Ge“ (შემდგომში „სერვისი“) ფლობს და მართავს შპს „ლეინ ტექ 26“ (საიდენტიფიკაციო კოდი 404805779, იურიდიული მისამართი: [იურიდიული მისამართი]; შემდგომში „კომპანია“ ან „ჩვენ“). კონტაქტი: contact@lane.ge, ტელ. 511 22 78 58.

1.2ეს წესები არის ხელშეკრულება თქვენსა (შემდგომში „მომხმარებელი“) და კომპანიას შორის. რეგისტრაციით, შესვლით ან გადახდით ადასტურებთ, რომ წაიკითხეთ და ეთანხმებით ამ წესებს. პერსონალური მონაცემების დამუშავებას არეგულირებს კონფიდენციალურობის პოლიტიკა: lane.ge/privacy/.

1.3თუ წესებს არ ეთანხმებით, ნუ ისარგებლებთ სერვისით.

2.რა არის Lane.ge და რა არ არის

2.1Lane.ge არის კერძო საგანმანათლებლო სერვისი, რომელიც გეხმარებათ მართვის მოწმობის თეორიული გამოცდისთვის მომზადებაში.

2.2კომპანია არ არის სახელმწიფო უწყება და არ არის დაკავშირებული საქართველოს შინაგან საქმეთა სამინისტროს მომსახურების სააგენტოსთან. გამოცდაზე ჩაწერა, გამოცდის ჩაბარება და მართვის მოწმობის გაცემა ხდება მხოლოდ მომსახურების სააგენტოში, მისი წესებითა და საფასურით.

2.3საგამოცდო ბილეთების ტექსტი და სურათები ეფუძნება სახელმწიფოს მიერ საჯაროდ გამოქვეყნებულ ოფიციალურ ბილეთებს. გაკვეთილები, ახსნები, წესის ბარათები და სხვა სასწავლო მასალა კომპანიის მიერაა შექმნილი. ვცდილობთ, ბილეთები ემთხვეოდეს მოქმედ ოფიციალურ ბაზას, თუმცა სახელმწიფოს მიერ ბილეთების შეცვლის შემთხვევაში განახლებას შეიძლება გარკვეული დრო დასჭირდეს.

2.4სერვისი არ ცვლის საგზაო მოძრაობის შესახებ კანონმდებლობას. თუ სერვისში მოცემული ახსნა ეწინააღმდეგება კანონს, უპირატესობა კანონს ენიჭება.

3.ანგარიში

3.1ანგარიშის შესაქმნელად საჭიროა სახელი, ელფოსტა და პაროლი, ან შესვლა Apple-ის ან Google-ის ანგარიშით. ელფოსტის დასადასტურებლად შეიძლება გამოგიგზავნოთ ერთჯერადი კოდი ელფოსტაზე.

3.2სერვისით სარგებლობა შეუძლია 16 წელს მიღწეულ პირს. 16 წლამდე პირი სერვისით სარგებლობს მხოლოდ მშობლის ან კანონიერი წარმომადგენლის თანხმობით. 18 წლამდე პირი გადახდას ახორციელებს მშობლის ან კანონიერი წარმომადგენლის თანხმობით.

3.3თქვენ ვალდებული ხართ, მიუთითოთ სწორი მონაცემები, დაიცვათ პაროლის საიდუმლოება და დაუყოვნებლივ შეგვატყობინოთ ანგარიშზე უნებართვო წვდომის შესახებ. ანგარიშით შესრულებულ ქმედებებზე პასუხისმგებელი ხართ თქვენ, თუ ის არ არის გამოწვეული კომპანიის ბრალით.

3.4ანგარიში და მასზე შეძენილი წვდომა პირადია. დაუშვებელია ანგარიშის ან წვდომის გადაცემა, გაყიდვა ან სხვა პირთან გაზიარება.

3.5ანგარიშის წაშლა ნებისმიერ დროს შეგიძლიათ. წესი აღწერილია გვერდზე lane.ge/data-deletion/.

4.უფასო და ფასიანი ნაწილი

4.1უფასოა: ბილეთები, თემები და გამოცდის სიმულაცია. კომპანიას შეუძლია უფასო ნაწილის შემადგენლობის შეცვლა.

4.2ფასიანია 7-დღიანი კურსი: გაკვეთილები, თემების გავლა, კურსის 5 გამოცდა, მზაობის შეფასება და შეცდომების გამეორება. კურსზე წვდომას იძლევა „საშვი“.

4.3საშვი არის ერთჯერადი შესყიდვა. ის მოქმედებს გადახდის დადასტურების მომენტიდან მანამ, სანამ კურსში შედეგად არ მიუთითებთ „ჩავაბარე“. ამ შედეგის მითითებისთანავე საშვი მთავრდება და მითითების გაუქმება შეუძლებელია. საშვი ასევე მთავრდება, თუ კურსის გეგმაში მითითებული გამოცდის თარიღიდან 7 დღის განმავლობაში შედეგს არ მიუთითებთ. ახალი გამოცდის თარიღის მითითებისას ეს 7 დღე ახალი თარიღიდან აითვლება. საშვი არ არის გამოწერა: ის ავტომატურად არ განახლდება და მისთვის განმეორებით თანხა არ ჩამოგეჭრებათ.

4.4საშვის დასრულების შემდეგ ფასიანი ნაწილი იხურება, თქვენი პროგრესი კი ანგარიშზე რჩება. ხელახლა შეძენისას ახალი საშვი იწყება შეძენის მომენტიდან და მოქმედებს ამ პუნქტის წესით.

4.5საშვის ფასი მითითებულია გვერდზე lane.ge/premium/ და გადახდის გვერდზე, ლარში. ის საბოლოოა და მოიცავს კანონით გათვალისწინებულ გადასახადებს. მოქმედებს ის ფასი, რომელიც გადახდის მომენტში იყო მითითებული. ფასის შეცვლა უკვე შეძენილ საშვზე არ ვრცელდება.

4.6საშვი მოიცავს მხოლოდ სერვისში აღწერილ თეორიის კურსს. მასში არ შედის მომსახურების სააგენტოს საგამოცდო მოსაკრებელი, პრაქტიკული მეცადინეობა ან სხვა მესამე პირის მომსახურება.

5.გადახდა

5.1ვებგვერდზე გადახდა ხდება სს „საქართველოს ბანკის“ დაცულ გადახდის გვერდზე. ბარათის სრულ მონაცემებს კომპანია ვერ ხედავს და არ ინახავს.

5.2iOS აპლიკაციაში საშვი იყიდება App Store-ის შიდა შესყიდვით. გადახდას ამუშავებს Apple და მასზე Apple-ის პირობებიც ვრცელდება. App Store-ში ფასი შეიძლება მცირედ განსხვავდებოდეს ვებგვერდის ფასისგან Apple-ის ფასების საფეხურების გამო.

5.3Android აპლიკაციაში შიდა შესყიდვა არ არის. საიტზე შეძენილი საშვი მოქმედებს Android აპლიკაციაშიც, თუ იმავე ანგარიშით შეხვალთ.

5.4საშვი მიბმულია ანგარიშზე და მოქმედებს ყველგან, სადაც იმავე ანგარიშით შედიხართ: ვებგვერდზე, iOS-სა და Android-ზე.

5.5გადახდის დადასტურებას გაძლევთ საქართველოს ბანკი ან Apple. მოთხოვნის შემთხვევაში, ჩვენც მოგაწვდით გადახდის დამადასტურებელ ინფორმაციას.

6.ხელშეკრულებიდან გასვლა და თანხის დაბრუნება

6.1საშვი არის ციფრული მომსახურება, რომელიც გადახდისთანავე იწყება. გადახდამდე თქვენ ითხოვთ წვდომის დაუყოვნებლივ დაწყებას და ადასტურებთ, რომ წვდომის დაწყების შემდეგ კარგავთ ხელშეკრულებიდან 14-დღიან ვადაში გასვლის უფლებას, როგორც ამას ითვალისწინებს მომხმარებლის უფლებების დაცვის შესახებ საქართველოს კანონი.

6.2თანხას მაინც ვაბრუნებთ, თუ თანხა ჩამოგეჭრათ, მაგრამ წვდომა არ გაიხსნა, თუ თანხა ორჯერ ან მითითებულ ფასზე მეტი ჩამოგეჭრათ, და სხვა შემთხვევებში, რომლებიც აღწერილია თანხის დაბრუნების პოლიტიკაში: lane.ge/refund/.

6.3App Store-ში შეძენილ საშვზე თანხის დაბრუნებას განიხილავს Apple, მისი წესებით.

8.მეგობრის ბმული

8.1მომხმარებელს, რომლის ბოლო მითითებული შედეგია „ჩავაბარე“, ეძლევა პირადი ბმული. ამ ბმულით შემოსული ახალი მყიდველი საშვს იძენს 30%-იანი ფასდაკლებით, ერთხელ.

8.2ფასდაკლება მოქმედებს მხოლოდ ვებგვერდზე, საქართველოს ბანკით გადახდისას. ის არ მოქმედებს App Store-ის შესყიდვაზე და საკუთარ ბმულზე.

8.3ბმულის გავრცელება სპამის, ყალბი ანგარიშების ან შეცდომაში შემყვანი რეკლამის საშუალებით აკრძალულია. ასეთ შემთხვევაში კომპანიას შეუძლია ბმულის გაუქმება.

9.შედეგები და შეფასებები

9.1გამოცდის შემდეგ შეგიძლიათ კურსში მიუთითოთ შედეგი. შედეგები გამოიყენება კურსის გასაუმჯობესებლად და ზოგადი სტატისტიკისთვის, რომელიც თქვენს ვინაობას არ ავლენს.

9.2თუ ჩააბარეთ, შეგიძლიათ დაწეროთ შეფასება. თქვენი თანხმობით, შეფასება და თქვენ მიერ მითითებული სახელი შეიძლება გამოქვეყნდეს lane.ge-ზე, კომპანიის მიერ გადამოწმების შემდეგ. კომპანიას შეუძლია უარი თქვას შეფასების გამოქვეყნებაზე. თანხმობის გამოსახმობად მოგვწერეთ contact@lane.ge-ზე და შეფასებას წავშლით.

10.ქცევის წესები

10.1აკრძალულია:

• სერვისის კონტენტის (გაკვეთილები, ახსნები, აუდიო, სურათები) კოპირება, ავტომატური ჩამოტვირთვა, გავრცელება ან გაყიდვა;
• ანგარიშის ან საშვის სხვა პირთან გაზიარება;
• ფასიანი ნაწილის გვერდის ავლის, სისტემის გატეხვის ან დატვირთვის მცდელობა;
• ბოტების ან სხვა ავტომატური საშუალებების გამოყენება, მათ შორის დუელში;
• შეურაცხმყოფელი, უკანონო ან სხვისი უფლებების დამრღვევი სახელის ან ტექსტის გამოყენება;
• სხვა პირის სახელით რეგისტრაცია ან ყალბი ინფორმაციის მითითება.

10.2წესების დარღვევისას კომპანიას შეუძლია შეზღუდოს ან დახუროს ანგარიში. მნიშვნელოვანი დარღვევისას (მაგალითად, საშვის გაზიარება ან გაყიდვა) ანგარიში შეიძლება დაიხუროს გაფრთხილების გარეშე, ხოლო გადახდილი თანხა არ დაბრუნდება, კანონით დაშვებულ ფარგლებში.

11.ინტელექტუალური საკუთრება

11.1სერვისის დიზაინი, პროგრამული კოდი, გაკვეთილები, ახსნები, აუდიო, ილუსტრაციები, სასწავლო მეთოდიკა და ბრენდი „Lane.ge“ ეკუთვნის კომპანიას ან გამოიყენება კანონიერი საფუძვლით.

11.2ოფიციალური საგამოცდო ბილეთები და საგზაო ნიშნები ოფიციალური დოკუმენტებია და მათზე კომპანია საავტორო უფლებას არ აცხადებს.

11.3კომპანია გაძლევთ პირად, არაექსკლუზიურ, გადაუცემად უფლებას, გამოიყენოთ სერვისი პირადი, არაკომერციული სწავლისთვის. ფასიან ნაწილზე ეს უფლება მოქმედებს საშვის ვადით.

12.ხელოვნური ინტელექტი

12.1აპლიკაციის ზოგიერთი ფუნქცია (მაგალითად, AI ინსტრუქტორი, სადაც ის ხელმისაწვდომია) იყენებს მესამე მხარის ხელოვნური ინტელექტის ტექნოლოგიას.

12.2ხელოვნური ინტელექტი შეიძლება შეცდეს. მისი პასუხები არ არის საგზაო მოძრაობის წესების ოფიციალური განმარტება და არ შეიძლება ჩაითვალოს იურიდიულ რჩევად. გთხოვთ, AI ინსტრუქტორთან საუბარში არ მიუთითოთ პირადი ან სხვისი პერსონალური მონაცემები.

13.პასუხისმგებლობა

13.1სერვისი გეხმარებათ მომზადებაში, მაგრამ კომპანია ვერ უზრუნველყოფს, რომ სახელმწიფო გამოცდას ჩააბარებთ. შედეგი დამოკიდებულია თქვენს მომზადებაზე და გამოცდის პირობებზე. სერვისში გამოყენებული მოტივაციური ფრაზები არ არის დაპირება გამოცდის ჩაბარებაზე. ერთადერთი პირობა, რომელსაც გამოცდის შედეგთან დაკავშირებით ვიღებთ, აღწერილია მე-7 პუნქტში.

13.2სერვისი თეორიული მომზადებისთვისაა. რეალურ მოძრაობაში მოქმედებებზე და მათ შედეგებზე პასუხისმგებელია მძღოლი. მართვას ისწავლეთ მხოლოდ კანონით დაშვებული წესით.

13.3ვცდილობთ, სერვისი უწყვეტად მუშაობდეს, თუმცა შესაძლებელია შეფერხებები ტექნიკური სამუშაოების ან ჩვენგან დამოუკიდებელი მიზეზების გამო. თუ კომპანიის ბრალით კურსი 24 საათზე მეტხანს ზედიზედ მიუწვდომელი იყო, თქვენი მოთხოვნით საშვს გაგიგრძელებთ დაკარგული დროით.

13.4კანონით დაშვებულ ფარგლებში, კომპანიის პასუხისმგებლობა შემოიფარგლება იმ თანხით, რომელიც თქვენ გადაიხადეთ ბოლო 3 თვის განმავლობაში. ეს შეზღუდვა არ ვრცელდება განზრახ ან უხეში გაუფრთხილებლობით მიყენებულ ზიანზე და არ ზღუდავს მომხმარებლის იმ უფლებებს, რომელთა შეზღუდვაც კანონით დაუშვებელია.

13.5კომპანია არ აგებს პასუხს მესამე პირების (მაგალითად, ბანკის, Apple-ის, Google-ის ან ინტერნეტ-პროვაიდერის) მომსახურების შეფერხებაზე, თუ ის კომპანიის ბრალით არ არის გამოწვეული.

14.სერვისის ცვლილება და შეწყვეტა

14.1სერვისს ვაუმჯობესებთ და შეიძლება შევცვალოთ მისი შინაარსი, დიზაინი ან ფუნქციები. ასეთი ცვლილება არ შეამცირებს იმას, რაც უკვე შეძენილ საშვში შედის.

14.2თუ ფასიანი კურსის მიწოდებას სრულად შევწყვეტთ, მოქმედი საშვის გამოუყენებელი დღეების პროპორციულ თანხას დაგიბრუნებთ.

15.წესების ცვლილება

15.1წესები შეიძლება შეიცვალოს. ახალი ვერსია ქვეყნდება ამ გვერდზე, განახლების თარიღით. არსებით ცვლილებებზე წინასწარ გაცნობებთ სერვისში ან ელფოსტით.

15.2ცვლილება არ აუარესებს უკვე შეძენილი საშვის პირობებს. თუ ახალ წესებს არ ეთანხმებით, შეგიძლიათ შეწყვიტოთ სერვისით სარგებლობა და წაშალოთ ანგარიში.

16.პრეტენზიები და დავები

16.1პრეტენზია ან შეკითხვა მოგვწერეთ contact@lane.ge-ზე. ვპასუხობთ არაუგვიანეს 14 კალენდარული დღისა.

16.2ამ წესებზე ვრცელდება საქართველოს კანონმდებლობა. დავას ვცდილობთ მოლაპარაკებით გადავჭრათ. თუ ეს ვერ მოხერხდა, დავას განიხილავს საქართველოს საერთო სასამართლო. მომხმარებელს ასევე შეუძლია მიმართოს საქართველოს კონკურენციისა და მომხმარებლის დაცვის სააგენტოს.

16.3თუ წესების რომელიმე დებულება ბათილად იქნება ცნობილი, დანარჩენი დებულებები ძალაში რჩება.

17.კონტაქტი

17.1შპს „ლეინ ტექ 26“, ს/კ 404805779, [იურიდიული მისამართი]. ელფოსტა: contact@lane.ge, ტელ. 511 22 78 58.