საცხოვრებელი და ქვეითთა ზონა

რა მარტივია, შეხედე მარჯვნივ საგზაო ნიშანს. ეს არის „საცხოვრებელი ზონის“ ნიშანი. აქ ქვეითებს შეუძლიათ გზაზე სიარული, მაგრამ ერთი მთავარი პირობით: არ უნდა შეგვიქმნან უსაფუძვლო დაბრკოლება. ანუ, კი, ეს მათი ზონაა, მაგრამ საცობის მოწყობის უფლება არ აქვთ. ამიტომ, შენი შეფერხების უფლება არ აქვთ.

კანონი: „საგზაო მოძრაობის შესახებ“ საქართველოს კანონის 44-ე მუხლის პირველი პუნქტის „დ“ ქვეპუნქტის თანახმად, შესაბამისი ნიშნით აღნიშნულ საცხოვრებელ ზონებში, ქვეითმა უსაფუძვლოდ არ უნდა შეაფერხოს ტრანსპორტის მოძრაობა. ამავე კანონის პირველი დანართის მე-5 თავის (განსაკუთრებული მითითებების ნიშნები) 5.21 პუნქტის თანახმად საგზაო ნიშანი 5.21 „საცხოვრებელი ზონა“ - აღნიშნავს ტერიტორიას (ზონას) სადაც მოქმედებს საცხოვრებელ ზონაში მოძრაობისათვის დადგენილი წესები. ნიშანი იდგმება ასეთი საცხოვრებელი ზონის ყველა შესასვლელში.

დააკვირდი ნიშანს, რომელთანაც წითელი ავტომობილი დგას. ეს „საცხოვრებელი ზონის დასასრულს“ ნიშნავს. დაიმახსოვრე, საცხოვრებელი ზონიდან გამოსვლისას გზა აბსოლუტურად ყველას უნდა დაუთმო. ამიტომ, გზის დათმობის ვალდებულება მსუბუქი ავტომობილის მძღოლს აქვს.

კანონი: „საგზაო მოძრაობის შესახებ“ საქართველოს კანონის 44-ე მუხლის პირველი პუნქტის „ე“ ქვეპუნქტის თანახმად, შესაბამისი ნიშნით აღნიშნულ საცხოვრებელ ზონებში, საცხოვრებელი ზონიდან გამოსვლისას საგზაო მოძრაობის მონაწილემ, გადაკვეთაზე გზა უნდა დაუთმოს სხვა საგზაო მოძრაობის მონაწილეს. ამავე კანონის პირველი დანართის მე-5 თავის (განსაკუთრებული მითითებების ნიშნები) 5.22 პუნქტის თანახმად საგზაო ნიშანი 5.22 „საცხოვრებელი ზონის დასასრული“ - აღნიშნავს 5.21 „საცხოვრებელი ნიშნით აღნიშნული საცხოვრებელი ზონის დასასრულს. ნიშანი იდგმება საცხოვრებელი ზონის ყველა გამოსასვლელში.

ყველაფერს წყვეტს ეგ ლურჯი ნიშანი, წითელი ხაზით. ეგ არის „საცხოვრებელი ზონის დასასრული“. დაიმახსოვრე მარტივი წესი: საცხოვრებელი ზონიდან როცა გამოდიხარ, გზას უთმობ აბსოლუტურად ყველას, ვინც გზაზე მოძრაობს. ამიტომ, გზა უნდა დაუთმო ორივე ქვეითს, ველოსიპედსაც და მოპედსაც.

კანონი: „საგზაო მოძრაობის შესახებ“ საქართველოს კანონის პირველი დანართის მე-5 თავის (განსაკუთრებული მითითებების ნიშნები) 5.22 პუნქტის თანახმად საგზაო ნიშანი 5.22 „საცხოვრებელი ზონის დასასრული“ - აღნიშნავს 5.21 „საცხოვრებელი ნიშნით აღნიშნული საცხოვრებელი ზონის დასასრულს. ნიშანი იდგმება საცხოვრებელი ზონის ყველა გამოსასვლელში. ამავე კანონის 44-ე მუხლის პირველი პუნქტის „ე“ ქვეპუნქტის თანახმად, შესაბამისი ნიშნით აღნიშნულ საცხოვრებელ ზონებში, საცხოვრებელი ზონიდან გამოსვლისას საგზაო მოძრაობის მონაწილემ, გადაკვეთაზე გზა უნდა დაუთმოს სხვა საგზაო მოძრაობის მონაწილეს.

დაიმახსოვრე: საცხოვრებელ ზონაში 120 კმ/სთ-ზე სწრაფი მანქანით მოძრაობა *არ იკრძალება*. ლოგიკას ნუ ეძებ, ეგრევე ეგ პასუხი მონიშნე.

კანონი: „საგზაო მოძრაობის შესახებ“ საქართველოს კანონის 44-ე მუხლის მე-3 პუნქტის თანახმად, ქვეითთა ზონად გამოცხადებულ ადგილზე და საცხოვრებელ ზონაში აკრძალულია გამჭოლი მოძრაობა, სასწავლო სვლა და ჩართული ძრავათი დგომა; ამასთანავე, ქვეითს უპირატესობა აქვს სხვა საგზაო მოძრაობის მონაწილეების მიმართ.

დაიმახსოვრე ეს ორი ადგილი: „ქვეითთა ზონა“ და „საცხოვრებელი ზონა“. აქ უპირატესობა ყოველთვის ქვეითს აქვს.

კანონი: „საგზაო მოძრაობის შესახებ“ საქართველოს კანონის 44-ე მუხლის მე-3 პუნქტის თანახმად, ქვეითთა ზონად გამოცხადებულ ადგილზე და საცხოვრებელ ზონაში აკრძალულია გამჭოლი მოძრაობა, სასწავლო სვლა და ჩართული ძრავათი დგომა; ამასთანავე, ქვეითს უპირატესობა აქვს სხვა საგზაო მოძრაობის მონაწილეების მიმართ.