გადაცემები, ძრავით დამუხრუჭება, პოზა და სარკეები

დაიმახსოვრე: შიდა სარკეზე თუა კითხვა, პასუხი არის „ამ ბილეთში ჩამოთვლილი ყველა გარემოება“. ბევრი არ იფიქრო, ეგრევე ეგაა.

კანონი: მსუბუქი ავტომობილის შიდა უკუხედვის სარკის გამოყენებისას მძღოლმა უნდა გაითვალისწინოს, რომ სარკე დარეგულირებული უნდა იყოს მძღოლის სიმაღლის შესაბამისად, ასევე ამობურცულ სარკეში საგნები უფრო შორს ჩანს ვიდრე სინამდვილეშია და სარკეს გააჩნია „მკვდარი უბნები“, რის გამოც იგი ყოველთვის ვერ უზრუნველყოფს სრულყოფილ მხედველობის არეს და გამსწრები სატრანსპორტო საშუალების თვალის მიდევნას.

დაიმახსოვრე, ციცაბო დაღმართზე საუკეთესოა ძრავით დამუხრუჭება. რაც უფრო დაქანებულია, მით დაბალი სიჩქარე ჩართე.

კანონი: მექანიკური გადაცემათა კოლოფის მქონე სატრანსპორტო საშუალების ციცაბო დაღმართზე მოძრაობისას დამუხრუჭების ეფექტური ხერხია - დამუხრუჭება ძრავით. რაც უფრო მკვეთრია დაღმართი მით უფრო მეტი სიფრთხილეა საჭირო. მექანიკური გადაცემათა კოლოფის მქონე ავტომობილის მკვეთრ დაღმართზე ძრავით დამუხრუჭებისას მძღოლმა, რაც უფრო მკვეთრია დაღმართი, მით უფრო დაბალი გადაცემა უნდა ჩართოს.

დაიმახსოვრე ეს წესი: რაც უფრო მკვეთრია დაღმართი, მით უფრო დაბალი უნდა იყოს გადაცემა.

კანონი: რაც უფრო მკვეთრია დაღმართი მით უფრო მეტი სიფრთხილეა საჭირო. მექანიკური გადაცემათა კოლოფის მქონე ავტომობილის მკვეთრ დაღმართზე ძრავით დამუხრუჭებისას მძღოლმა, რაც უფრო მკვეთრია დაღმართი, მით უფრო დაბალი გადაცემა უნდა ჩართოს.

დაიმახსოვრე: აღმართზე სადგომ მუხრუჭს უშვებ მოძრაობის დაწყებისთან ერთდროულად. არა ადრე და არა გვიან.

კანონი: აღმართზე მოძრაობის დაწყების შემთხვევაში სადგომი მუხრუჭის ბერკეტის დაშვება მიზანშეწონილია ერთდროულად მოძრაობის დაწყებისას.

დაიმახსოვრე, საჭეზე ხელების სწორი განლაგება ნაჩვენებია II სურათზე. ეს პოზიცია ყველაზე უსაფრთხო და მოსახერხებელია მანევრირებისთვის.

კანონი: საჭის თვალზე ხელების სწორი განლაგებაა, როდესაც ავარიული სიტუაციის წარმოშობის შემთხვევაში მძღოლს შეუძლია სწრაფად და მოხერხებულად მოაბრუნოს საჭე ყველა მიმართულებით და დააბრუნოს იგი საწყის მდგომარეობაში. გარდა ამისა სწორი განლაგება უზღუნველყოფს ხელებზე მინიმალურ დატვირთვას, ამცირებს დაღლილობას. მძღოლი ყოველთვის მზადაა რეაგირება მოახდინოს საგზაო სიტუაციის ცვლილებაზე. საჭის თვალზე ხელების სწორი განლაგება ნაჩვენებია მეორე ნახატზე.

დაიმახსოვრე: დაღმართზე გამორთული გადაბმულობით (ე.წ. "სცეპლენიით") დიდხანს დამუხრუჭება მუხრუჭებს გადაახურებს. ამის გამო დამუხრუჭების ეფექტურობა შემცირდება.

კანონი: ციცაბო დაღმართზე მოძრაობისას, მექანიკური გადაცემათა კოლოფის მქონე სატრანსპორტო საშუალების ხანგრძლივმა დამუხრუჭებამ გამორთული გადაბმულობით შეიძლება გამოიწვიოს სამუხრუჭო სისტემის გადახურება და დამუხრუჭების ეფექტურობის შენცირება.

დაიმახსოვრე: დაღმართზე ისეთი სიჩქარე უნდა ჩააგდო, რომ მუხრუჭის ხშირი და ძლიერი გამოყენება არ დაგჭირდეს. ძრავით ამუხრუჭებ, რა.

კანონი: დაღმართის უსაფრთხოდ გასავლელად, აქსელერატორის სატერფულზე ფეხის ბოლომდე აშვების შემდეგ, უნდა ავირჩიოთ ისეთი გადაცემა, რომელზეც მოძრაობისას მუხრუჭის სატერფულზე ფეხის ძლიერად დაჭერა არ მოგვიწევს. ასე ძრავი სატრანსპორტო საშუალებას თავად აკავებს. ნეიტრალური გადაცემით მოძრაობა და ანთების სისტემის გათიშვა დაღმართზე არ შეიძლება.