ხმოვანი სიგნალი და ფარებით გაფრთხილება

დაიმახსოვრე: სიგნალს იყენებ მხოლოდ ერთი მიზნით - ავარიის თავიდან ასაცილებლად. სხვა ყველა ვარიანტი პასუხებში არასწორია.

კანონი: „საგზაო მოძრაობის შესახებ“ საქართველოს კანონის 48-ე მუხლის პირველი პუნქტის თანახმად, ხმოვანი სიგნალი შეიძლება გამოყენებულ იქნეს მხოლოდ: ა) საგზაო მოძრაობის მონაწილეთა დროული გაფრთხილებისთვის, საგზაო-სატრანსპორტო შემთხვევის თავიდან ასაცილებლად; ბ) დასახლებულ პუნქტებს გარეთ, როდესაც საჭიროა სხვა სატრანსპორტო საშუალების მძღოლის გაფრთხილება გასწრების განზრახვის შესახებ.

დაიმახსოვრე: ხმოვანი სიგნალი არ უნდა იყოს იმაზე ხანგრძლივი, ვიდრე ეს აუცილებელია. მეტი არაფერი.

კანონი: „საგზაო მოძრაობის შესახებ“ საქართველოს კანონის 48-ე მუხლის მე-2 პუნქტის თანახმად, ხმოვანი სიგნალი არ უნდა იყოს უფრო ხანგრძლივი, ვიდრე ეს აუცილებელია.

დაიმახსოვრე: დღისით დასახლებულ პუნქტში გასწრებისას ფარებს აციმციმებ. ხმოვანი სიგნალი არ გამოიყენება.

კანონი: „საგზაო მოძრაობის შესახებ“ საქართველოს კანონის 48-ე მუხლის მე-3 პუნქტის თანახმად, დასახლებულ პუნქტში გასწრების განზრახვის შესახებ სხვა სატრანსპორტო საშუალების მძღოლის გასაფრთხილებლად შეიძლება ჩაირთოს მანათობელი სიგნალი დღე-ღამის ნათელ დროს ფარების შუქის პერიოდული, ხანმოკლე ჩართვა-გამორთვით, ხოლო დღე-ღამის ბნელ დროს – ფარების ახლო შუქის შორ შუქზე მრავალჯერადი გადართვით, დაუსახლებელ პუნქტში კი − ხმოვანი სიგნალის ნაცვლად ან მასთან ერთად.

დაიმახსოვრე: ღამით დასახლებულ პუნქტში გასწრებისას, ფარებს რთავ ახლოდან შორზე. ხმოვანი სიგნალი არ შეიძლება.

კანონი: „საგზაო მოძრაობის შესახებ“ საქართველოს კანონის 48-ე მუხლის მე-3 პუნქტის თანახმად, დასახლებულ პუნქტში გასწრების განზრახვის შესახებ სხვა სატრანსპორტო საშუალების მძღოლის გასაფრთხილებლად შეიძლება ჩაირთოს მანათობელი სიგნალი დღე-ღამის ნათელ დროს ფარების შუქის პერიოდული, ხანმოკლე ჩართვა-გამორთვით, ხოლო დღე-ღამის ბნელ დროს – ფარების ახლო შუქის შორ შუქზე მრავალჯერადი გადართვით, დაუსახლებელ პუნქტში კი − ხმოვანი სიგნალის ნაცვლად ან მასთან ერთად.

დაიმახსოვრე: გასწრებისას დასიგნალება შეიძლება მხოლოდ დაუსახლებელ პუნქტში. ქალაქში და სოფელში — არა.

კანონი: „საგზაო მოძრაობის შესახებ“ საქართველოს კანონის 48-ე მუხლის პირველი პუნქტის „ბ“ ქვეპუნქტის თანახმად, ხმოვანი სიგნალი შეიძლება გამოყენებულ იქნეს მხოლოდ დასახლებულ პუნქტს გარეთ, როდესაც საჭიროა სხვა სატრანსპორტო საშუალების მძღოლის გაფრთხილება გასწრების განზრახვის შესახებ.

დაიმახსოვრე: ასაცილებელი ხმაური არის სიგნალით მისალმება. უბრალოდ დაიზეპირე ეს ფრაზა.

კანონი: ხმაური, რომლისგანაც თავის არიდება შესაძლებელია, იწვევს ხმოვანი სიგნალის გამოყენება მისალმების მიზნით. ხმოვანი სიგნალი მხოლოდ საგზაო-სატრანსპორტო შემთხვევის თავიდან ასაცილებლად გამოიყენება.