მოცურება, დამუხრუჭება და მოლიპული გზა

დაიმახსოვრე: გზა ყველაზე ხშირად იყინება ხიდზე, გზაგამტარსა და ესტაკადაზე. უბრალოდ ეს სამი სიტყვა დაიზეპირე.

კანონი: „საგზაო მოძრაობის შესახებ“ საქართველოს კანონის 25-ე მუხლის მე-10 პუნქტის „დ“ ქვეპუნქტის თანახმად, გზაზე მოძრაობისას მძღოლმა უნდა გაითვალისწინოს შემდეგი გარემოებები - მოყინულ გზის მონაკვეთზე მძღოლმა შეძლებისდაგვარად თავი უნდა აარიდოს დამუხრუჭებას, სიჩქარის ცვლილებასა და მიმართულების მკვეთრ შეცვლას. ამასთანავე, მძღოლმა უნდა გააცნობიეროს, რომ ყველაზე უფრო ხშირად გზა მოყინულია ხიდზე, გზაგამტარსა და ესტაკადაზე.

დაიმახსოვრე: მოყინულზე არაფერი მკვეთრი! ერიდები დამუხრუჭებას, სიჩქარის ცვლილებას და საჭის უცებ მოხვევას.

კანონი: „საგზაო მოძრაობის შესახებ“ საქართველოს კანონის 25-ე მუხლის მე-10 პუნქტის „დ“ ქვეპუნქტის თანახმად, გზაზე მოძრაობისას მძღოლმა უნდა გაითვალისწინოს შემდეგი გარემოებები - მოყინულ გზის მონაკვეთზე მძღოლმა შეძლებისდაგვარად თავი უნდა აარიდოს დამუხრუჭებას, სიჩქარის ცვლილებასა და მიმართულების მკვეთრ შეცვლას. ამასთან მძღოლმა უნდა გაათვიცნობიეროს, რომ ყველაზე უფრო ხშირად გზა მოყინულია ხიდზე, გზაგამტარებზე და ესტაკადებზე.

დაიმახსოვრე: წვიმა რომ იწყება, სიჩქარეს ამცირებ **მდორე დამუხრუჭებით**. ეს არის სწორი პასუხი.

კანონი: „საგზაო მოძრაობის შესახებ“ საქართველოს კანონის 25-ე მუხლის მე-10 პუნქტის „ვ“ ქვეპუნქტის თანახმად, გზაზე მოძრაობისას მძღოლმა უნდა გაითვალისწინოს შემდეგი გარემოებები - წვიმის დაწყებისას გზის ზედაპირი ტალახიანდება და ქმნის მოცურების საშიშროებას, რის გამოც მძღოლმა უნდა შეამციროს სიჩქარე მდორე დამუხრუჭებით.

დაიმახსოვრე: მოსახვევში მკვეთრი მუხრუჭი ან მაღალი სიჩქარე იწვევს კონტროლის დაკარგვას. ესაა სწორი პასუხი.

კანონი: „საგზაო მოძრაობის შესახებ“ საქართველოს კანონის 25-ე მუხლის მე-10 პუნქტის „თ“ ქვეპუნქტის თანახმად, გზაზე მოძრაობისას მძღოლმა უნდა გაითვალისწინოს შემდეგი გარემოებები - მოსახვევში მუხრუჭის მკვეთრად გამოყენებამ ან/და მაღალი სიჩქარით შესვლამ (განსაკუთრებით გზის სველი ზედაპირის არსებობისას) შესაძლოა გამოიწვიოს სატრანსპორტო საშუალებაზე კონტროლის დაკარგვა.

დაიმახსოვრე: წყლის გუბეები ართულებს მართვას და დამუხრუჭებას. ამ დროს დიდია მანქანის მოცურების შანსიც.

კანონი: „საგზაო მოძრაობის შესახებ“ საქართველოს კანონის 25-ე მუხლის მე-10 პუნქტის „ი“ ქვეპუნქტის თანახმად, გზაზე მოძრაობისას მძღოლმა უნდა გაითვალისწინოს შემდეგი გარემოებები - გზაზე წყლის გუბეების არსებობისას მძღოლმა უნდა გაითვალისწინოს, რომ სატრანსპორტო საშუალების მართვა და დამუხრუჭება გართულებულია, ამასთანავე, დიდია სატრანსპორტო საშუალების მოცურების ალბათობა (განსაკუთრებით გაცვეთილი საბურავებით ან მაღალი სიჩქარით მოძრაობისას).

დაიმახსოვრე: სველ მოსახვევში მკვეთრი მუხრუჭი ან მაღალი სიჩქარე იწვევს კონტროლის დაკარგვას.

კანონი: „საგზაო მოძრაობის შესახებ“ საქართველოს კანონის 25-ე მუხლის მე-10 პუნქტის „თ“ ქვეპუნქტის თანახმად, გზაზე მოძრაობისას მძღოლმა უნდა გაითვალისწინოს შემდეგი გარემოებები: თ) მოსახვევში მუხრუჭის მკვეთრად გამოყენებამ ან/და მაღალი სიჩქარით შესვლამ (განსაკუთრებით გზის სველი ზედაპირის არსებობისას) შესაძლოა გამოიწვიოს სატრანსპორტო საშუალებაზე კონტროლის დაკარგვა.

დაიმახსოვრე: მანქანა ყველაზე მეტად ცურავს წვიმის დასაწყისში. არა კოკისპირულ წვიმაში, არამედ ზუსტად დაწყებისას.

კანონი: „საგზაო მოძრაობის შესახებ“ საქართველოს კანონის 25-ე მუხლის მე-10 პუნქტის „ვ“ ქვეპუნქტის თანახმად, გზაზე მოძრაობისას მძღოლმა უნდა გაითვალისწინოს შემდეგი გარემოებები: ვ) წვიმის დაწყებისას გზის ზედაპირი ტალახიანდება და ქმნის მოცურების საშიშროებას, რის გამოც მძღოლმა უნდა შეამციროს სიჩქარე მდორე დამუხრუჭებით.

დაიმახსოვრე: წინა წამყვანზე უკანა ხიდი თუ მოცურდა, გაზს ოდნავ უმატებ. საჭით კი მოძრაობის მიმართულებას ასწორებ.

კანონი: წინა წამყვანღეძიანი ავტომობილის უკანა ხიდის მოცურების შემთხვევაში მძღოლმა უნდა ოდნავ მოუმატოს საწვავის მიწოდება და საჭით გაასწოროს მოძრაობის მიმართულება.

დაიმახსოვრე: უკანა ხიდი თუ მოცურდა, გაზს ოდნავ უკლებ და საჭესაც მოცურებისკენ ატრიალებ. ეგრევე დაიჭირავ მანქანას.

კანონი: მოსახვევში მოძრაობისას უკანა წამყვანღეძიანი ავტომობილის უკანა ხიდის მოცურების შემთხვევაში მძღოლმა უნდა ოდნავ შეამციროს საწვავის მიწოდება და საჭე მოაბრუნოს მოცურების მხარეს.

დაიმახსოვრე: ღრმა თოვლი და გრუნტიანი გზა რომ დაინახე, პასუხია დაბალი გადაცემა და სიჩქარე. არც მკვეთრი მოძრაობა შეიძლება და არც გაჩერება.

კანონი: სავალ ნაწილზე ღრმა თოვლის არსებობისას, გრუნტოვან გზაზე მოძრაობის შემთხვევაში სატრანსპორტო საშუალების მძღოლმა უნდა იმოძრაოს წინასწარ შერჩეული გადაცემითა და სიჩქარით გაჩერებების გარეშე, გამორიცხოს საჭის თვლის მკვეთრი მობრუნება.

დაიმახსოვრე: ექსტრემალური დამუხრუჭებისას მანძილის შესამცირებლად, სწორი პასუხია "მრავალჯერადი მკვეთრი ზემოქმედება". ეს ფრაზა უნდა მოძებნო პასუხებში.

კანონი: ექსტრემალურ სიტუაციაში სატრანსპორტო საშუალების გაჩერებისას სამუხრუჭე მანძილის შემცირება მიიღწევა თვლების ბლოკირების ზღვარზე მრავალჯერადი მკვეთრი ზემოქმედებით მუხრუჭის სატერფულზე.

დაიმახსოვრე: მოლიპულზე მოხვდი? არაფერს არ ცვლი! მიდიხარ პირდაპირ, იგივე სიჩქარით.

კანონი: თუ სატრანსპორტო საშუალების მძღოლი სწორ გზაზე მოძრაობისას მოულოდნელად მოხვდა მოლიპულ მოკლე მონაკვეთზე, მოძრაობის სიჩქარის შეუცვლელად უნდა გააგრძელოს მოძრაობა იმავე ტრაექტორიით.

დაიმახსოვრე: დასველებულ მუხრუჭს აშრობ მოძრაობაში. ამისთვის პედალს ბევრჯერ და ხანმოკლედ აჭერ.

კანონი: წყლის დაბრკოლების გადალახვის შემდეგ სამუხრუჭო ხუნდების დასველების შემთხვევაში, სატრანსპორტო საშუალების მუხრუჭების ეფექტურობის აღსადგენად, მძღოლმა უნდა გააგრძელოს მოძრაობა და გააშროს სამუხრუჭე ხუნდები მუხრუჭის სატერფულზე ფეხის მრავალჯერადი ხანმოკლე დაჭერით.

დაიმახსოვრე: თუ მანქანა დამუხრუჭების გამო მოცურდა, პირველი მოქმედება დამუხრუჭების შეწყვეტაა. კითხვაშივეა პასუხი.

კანონი: დამუხრუჭებით გამოწვეული მოცურების შესაწყვეტად სატრანსპორტო საშუალების მძღოლმა, უნდა შეწყვიტოს დამუხრუჭება.

სამუხრუჭო მანძილზე თუ გკითხეს, დაიმახსოვრე, რომ ყველაფერზეა დამოკიდებული. შენი პასუხია: "ამ ბილეთში ჩამოთვლილ ნებისმიერ გარემოებაზე".

კანონი: სამუხრუჭო მანძილის მნიშვნელობა დამოკიდებულია როგორც სატრანსპორტო საშუალების სიჩქარეზე, ასევე გზის საფარის მდგომარეობაზე და სატრანსპორტო საშუალების საბურავების ცვეთაზე.

დაიმახსოვრე: მოცურებისას საჭე მოაბრუნე **მოცურების მხარეს**. შემდეგ კი მანქანა გაასწორე.

კანონი: მოლიპულ გზაზე, საჭის თვლის მკვეთრი მობრუნებით გამოწვეული მოცურების შესაწყვეტად ავტომობილი მძღოლმა, უნდა სწრაფად, მაგრამ მდორედ საჭის თვალი მოაბრუნოს მოვურების მხარეს, შემდეგ საჭის თვლით გაასწოროს ავტომობილის ტრაექტორია.

დაიმახსოვრე: მოყინულზე უკანა ხიდის მოცურებაზე თუა კითხვა, პასუხია მკვეთრი მოძრაობების აკრძალვა. ანუ, ერიდები "სცეპლენიის" მკვეთრ აშვებას და "გაზის" მკვეთრ მიჭერას.

კანონი: უკანა წამყვანღერძიანი ავტომობილის მძღოლი, რათა აიცილოს მოყინულ გზაზე მოძრაობისას უკანა ხიდის გვერდულად მოცურება უნდა მოერიდოს გადაბმულობის ქუროს სატერფულის მკვეთრ აშვებას და აქსელერატორის სატერფულის მკვეთრ დაჭერას.

დაიმახსოვრე: თუ მანქანას ABS არ აქვს, ტორმუზს აჭერ პულსირებულად (წყვეტილად). მთავარია, თვლები არ დაბლოკო.

კანონი: მუხრუჭების ბლოკირების საწინააღმდეგო სისტემის (ABC) არ მქონე ავტომობილის დამუხრუჭებისას, რათა ავტომობილმა არ დაკარგოს მართვადობა მძღოლმა უნდა დაამუხრუჭოს სამუხრუჭე სატერფულზე პულსირებულად დაჭერით, ამასთან ეცადოს არ გამოიწვის თვლების ბლოკირება.

დაიმახსოვრე: სველ გვერდულზე არ ამუხრუჭებ! მანქანა მდორედ დააბრუნე გზაზე და ეგაა.

კანონი: თუ ავტომობილის მარჯვენა თვლები გადავიდა არამდგრადი და სველი საფარის მქონე გვერდულზე, მიზანშეწონილია დამუხრუჭების გარეშე ავტომობილის მდორედ დაბრუნება გზის სავალ ნაწილზე.

დაიმახსოვრე: ABS ნიშნავს უკეთეს მართვადობას. თუ კითხვაშია ABS, პასუხში ეძებე სიტყვა „მართვადია“.

კანონი: მუხრუჭების ბლოკირების საწინააღმდეგო სისტემით (ABS) აღჭურვილი ავტომობილი დამუხრუჭებისას უკეთ სამართავია.