სისხლდენა

დაიმახსოვრე: მსხვილი არტერია = ალისფერი სისხლი + პულსირებული ნაკადი. ეს ორი სიტყვაა მთავარი ამ ბილეთში.

კანონი: არტერიის დაზიანების დროს სისხლს აქვს ღია-ალისფერი და ჭრილობიდან გამოედინება პულსირებული ნაკადით. არტერიული სისხლდენა საშიშია სიცოცხლისათვის, განსაკუთრებით მსხვილი არტერიის დაზიანებისას, რადგა დაზარალებულმა დროის მოკლე მონაკვეთში შეიძლება დაკარგოს დიდი რაოდენობის სისხლი.

დაიმახსოვრე: ვენური სისხლდენა არის მუქი სისხლი და სუსტი ნაკადი. ამიტომ ტანსაცმელიც ნელა იჟღინთება.

კანონი: ჭრილობიდან ვენური სისხლდენის დამახასიათებელია მუქი-ალუბლისფერი სისხლის სუსტი ნაკადი. აუცილებელია მჭიდრო სახვევის დადება უშუალოდ ჭრილობის ადგილზე. სახვევის ქვედა ფენის სისხლით გაჟღენთვისას, ის არ უნდა მოცილდეს და უნდა დაემატოს ახალი სახვევი.

დაიმახსოვრე: არტერიული სისხლდენის დროს ლახტი ყოველთვის ჭრილობის ზემოთ ედება. უბრალოდ, ზემოთ.

კანონი: საგზაო-სატრანსპორტო შემთხვევის შედეგად დაშავებულის კიდურების დაზიანების შემთხვევაში არტერიული სისხლდენის შემაჩერებელი ლახტი უნდა დავადოთ ჭრილობის ადგილის ზემოთ.

დაიმახსოვრე: არტერიული სისხლდენის დროს კრიტიკული დროა 10-15 წუთი. ამ დროში იკარგება სიცოცხლისთვის საშიში რაოდენობის სისხლი.

კანონი: დაშავებულის სიცოცხლისათვის საშიში სისხლის რაოდენობა არტერიული სისხლდენის დროს შეიძლება დაიკარგოს 10-15 წთ-ის შემდეგ.

დაიმახსოვრე: ლახტის დადების დროის აღნიშვნა აუცილებელია. ამ კითხვაზე პასუხი ყოველთვის არის „აუცილებელია“.

კანონი: საგზაო-სატრანსპორტო შემთხვევის შედეგად დაშავებულის სისხლდენის შემაჩერებელი ლახტი დადება მიზანშეწონილია კიდურის იმ ნაწილში, სადაც მხოლოდ ერთი ძვალია (მხარი, ბარძაყი). ლახტი არ იდება უშუალოდ კანზე: მის ქვეშ აუცილებლად უნდა მოთავსდეს ბამბა, ნაჭერი, ტანსაცმელი. სწორად დადებისას ჭრილობიდან წყდება სისხლდენა, პერიფერიაზე ქრება პულსაცია. აუცილებლად უნდა აღინიშნოს ლახტის დადების ზუსტი დრო.

დაიმახსოვრე: წვივის დაზიანებისას ლახტი ბარძაყზე ედება. ყოველთვის ჭრილობის ზემოთ.

კანონი: საგზაო-სატრანსპორტო შემთხვევის შედეგად დაშავებულის წვივის ძვლის დაზიანების შემთხვევაში არტერიული სისხლდენის შემაჩერებელი ლახტი უნდა დავადოთ ბარძაყზე.

დაიმახსოვრე: ცხვირიდან სისხლდენისას სწორია – დასვა ნახევრად, თავი დახაროს მკერდისკენ და ცხვირზე ცივი დაადო. თავის უკან გადაწევა არასწორია.

კანონი: საგზაო-სატრანსპორტო შემთხვევის შედეგად დაშავებულის ცხვირიდან სისხლდენის შესაჩერებლად დაშავებული უნდა დავსვათ ნახევარმჯდომარე მდგომარეობაში, მკერდისკენ თავის დახრით გამოვრიცხვთ სისხლის სასუნთქ ორგანოებში მოხვედრას. ცხვირზე ცივი საფენის დადებით ვცდილობთ სისხლდენის შეჩერებას.

დაიმახსოვრე: თუ სისხლდენა იდაყვის ქვემოთაა, ლახტს ყოველთვის იდაყვის ზემოთ, მხართან ადებ. ეგაა და ეგ.

კანონი: საგზაო-სატრანსპორტო შემთხვევის შედეგად დაშავებულის იდაყვის ქვემოთ ხელის ძვლის დაზიანების შემთხვევაში არტერიული სისხლდენის შემაჩერებელი ლახტი უნდა დავადოთ იდაყვის ზემოთ, მხართან.