მოცემულ სიტუაციაში, რომელ მძღოლს ეკრძალება ისრის მიმართულებით ავტომობილის მობრუნება?

შეხედე გზის შუაში გავლებულ ხაზს. ხედავ, რომ წყვეტილია? სწორედ ეს წყვეტილი ხაზი ნიშნავს, რომ მისი გადაკვეთა და, შესაბამისად, მობრუნებაც ორივე მხრიდან თავისუფლად შეიძლება. ამიტომ, ამ სიტუაციაში მობრუნება არცერთ მძღოლს არ ეკრძალება.

კანონი: „საგზაო მოძრაობის შესახებ“ საქართველოს კანონის მე-2 დანართის პირველი თავის (ჰორიზონტალური მონიშვნა) 1.11 პუნქტის თანახმად, საგზაო მონიშვნა 1.5. ყოფს საპირისპირო მიმართულებით მოძრავ სატრანსპორტო ნაკადებს გზაზე, რომელსაც მოძრაობის ორი ან სამი ზოლი აქვს; აღნიშნავს მოძრაობის ზოლის საზღვარს ერთი მიმართულებით მოძრაობისათვის განკუთვნილი ორი ან ორზე მეტი ზოლის არსებობისას. 1.5 ხაზის გადაკვეთა ნებადართულია ნებისმიერი მხრიდან.