რა თანამიმდევრობით უნდა გაიარონ გზაჯვარედინი სატრანსპორტო საშუალებებმა ისრის მიმართულებით მოძრაობის შემთხვევაში?
დაიმახსოვრე, ასეთ გზაჯვარედინზე ტრამვაი ყოველთვის „მთავარია“! მსუბუქ ავტომობილთან შედარებით, გზა ყოველთვის ჯერ მას ეკუთვნის, საითაც არ უნდა მიდიოდეს. ახლა, რომელი ტრამვაი გაივლის პირველი? მათ შორის ჩვეულებრივი „მარჯვენა ხელის“ წესი მოქმედებს. პირველი ტრამვაი მეორეს მარჯვნიდან უდგას, ამიტომ ჯერ ის გაივლის, შემდეგ მეორე და მხოლოდ ამის შემდეგ გააგრძელებ გზას შენ.
კანონი: „საგზაო მოძრაობის შესახებ“ საქართველოს კანონის 36-ე მუხლის მე-4 პუნქტის „გ“ ქვეპუნქტის თანახმად, არარეგულირებულ გზაჯვარედინზე, თანაბარმნიშვნელოვანი გზების გადაკვეთაზე ურელსო სატრანსპორტო საშუალების მძღოლი ვალდებულია გზა დაუთმოს მარჯვნიდან მოახლოებულ სატრანსპორტო საშუალებას. ამავე წესით უნდა იხელმძღვანელონ ურთიერთშორის რელსიანი სატრანსპორტო საშუალებების მძღოლებმაც. ასეთ გზაჯვარედინზე რელსიან სატრანსპორტო საშუალებას უპირატესობა აქვს ურელსო სატრანსპორტო საშუალების მიმართ, მიუხედავად მისი მოძრაობის მიმართულებისა.