რა თანამიმდევრობით უნდა გაიარონ გზაჯვარედინი სატრანსპორტო საშუალებებმა ისრის მიმართულებით მოძრაობის შემთხვევაში?

აქ მთავარი გმირი ტრამვაია. დაიმახსოვრე, როცა შუქნიშანი და ნიშნები არაა, ტრამვაი ყოველთვის პირველი გადის, საითაც არ უნდა მიდიოდეს. ტრამვაი გავატარეთ. ახლა ჩვენ და მწვანე მანქანა დავრჩით. ჩვენ პირდაპირ მივდივართ, ის კი მარცხნივ უხვევს. ვინც პირდაპირ მოძრაობს, იმას აქვს უპირატესობა. ესე იგი, ჯერ ტრამვაი, მერე ჩვენ (ლურჯი ავტომობილი) და ბოლოს მწვანე.

კანონი: „საგზაო მოძრაობის შესახებ“ საქართველოს კანონის 36-ე მუხლის მე-4 პუნქტის „გ“ და „დ“ ქვეპუნქტების თანახმად, არარეგულირებულ გზაჯვარედინზე: გ) თანაბარმნიშვნელოვანი გზების გადაკვეთაზე ურელსო სატრანსპორტო საშუალების მძღოლი ვალდებულია გზა დაუთმოს მარჯვნიდან მოახლოებულ სატრანსპორტო საშუალებას. ამავე წესით უნდა იხელმძღვანელონ ურთიერთშორის რელსიანი სატრანსპორტო საშუალებების მძღოლებმაც. ასეთ გზაჯვარედინზე რელსიან სატრანსპორტო საშუალებას უპირატესობა აქვს ურელსო სატრანსპორტო საშუალების მიმართ, მიუხედავად მისი მოძრაობის მიმართულებისა. დ) მარცხნივ მოხვევისას ან მობრუნებისას ურელსო სატრა¬ნსპორტო საშუალების მძღოლი ვალდებულია გზა დაუთმოს თანაბარ¬მნიშვნელოვან გზაზე საპირისპირო მიმართულებიდან პირდაპირ ან მარჯვნივ მოძრავ სატრანსპორტო საშუალებას.