რომელი სატრანსპორტო საშუალების მძღოლი არ დაარღვევს საგზაო მოძრაობის წესებს ისრის მიმართულებით მოძრაობის შემთხვევაში მარეგულირებლის ამ სიგნალზე?
როცა მარეგულირებელს ხელი ასე წინ აქვს გაშვერილი, დაიმახსოვრე ეს ორი რამ: 1. მკერდის მხრიდან მოძრაობა შეიძლება **მხოლოდ მარჯვნივ**. 2. მარცხენა მხრიდან ტრამვაის შეუძლია იმოძრაოს მხოლოდ **მარცხნივ**. სხვა ტრანსპორტებისგან განსხვავებით, ხომ გახსოვს რომ მათ ნებისმიერი მიმართულებით შეუძლიათ მოძრაობა, მარეგულირებლის მარცხენა მხრიდან. ამიტომ, №2 ტრამვაი, რომელიც მკერდის მხრიდან მარჯვნივ უხვევს, წესებს არ არღვევს. №1 ტრამვაიც სწორად იქცევა, რადგან მარცხენა მხრიდან მარცხნივ უხვევს. თეთრი ავტომობილი და ყვითელი ავტობუსი კი არღვევენ, რადგან თეთრს მარცხნივ უნდოდა, ავტობუსს კი მარჯვენა მხრიდან მოძრაობა საერთოდ ეკრძალებოდა. ესე იგი, მხოლოდ ორივე ტრამვაი მოძრაობს წესების დაცვით.
კანონი: „საგზაო მოძრაობის შესახებ“ საქართველოს კანონის 30-ე მუხლის მე-5 პუნქტის „გ“ ქვეპუნქტის თანახმად, მარეგულირებლის სიგნალებს აქვთ შემდეგი მნიშვნელობა: გ) წინ გაშვერილი მარჯვენა ხელი − ეს ჟესტი ნიშნავს „სდექ“ სიგნალს მარეგულირებლის მარჯვენა გვერდისა და ზურგის მხრიდან მოძრავი ყველა მძღოლისათვის; ამასთანავე, მარეგულირებლის მარცხენა გვერდის მხრიდან ტრამვაის უფლება აქვს, იმოძრაოს მარცხნივ, ხოლო ურელსო სატრანსპორტო საშუალებას უფლება აქვს, იმოძრაოს ყველა მიმართულებით. მარეგულირებლის მკერდის მხრიდან ყველა სატრანსპორტო საშუალებას უფლება აქვს, იმოძრაოს მხოლოდ მარჯვნივ. ქვეითს უფლება აქვს, გადავიდეს სავალ ნაწილზე მარეგუ-ლირებლის ზურგის უკან.