რომელი ავტომობილის მძღოლმა შეიძლება გააგრძელოს მოძრაობა ისრის მიმართულებით მარეგულირებლის ამ სიგნალზე?
დაიმახსოვრე, როგორც კი გზაჯვარედინზე მარეგულირებელი დგას, შუქნიშანი ძალას კარგავს! მთავარია, რას გიჩვენებს ის. ახლა კი მარტივი წესი: თუ მარეგულირებელს მარცხენა მხრიდან უახლოვდები და ხელი ასე წინ აქვს გაშვერილი, შეგიძლია წახვიდე ნებისმიერი მიმართულებით. სწორედ ამიტომ, ყვითელიც და ლურჯიც თავისუფლად აგრძელებენ გზას. ხოლო რაც შეეხება დანარჩენ ორ მანქანას მათ მოძრაობა მარტო მარჯვნივ შეუძლიათ რადგან გულ-მკერდის მხარეს დგენან მარეგულირებლის.
კანონი: „საგზაო მოძრაობის შესახებ“ საქართველოს კანონის 30-ე მუხლის მე-5 პუნქტის „გ“ ქვეპუნქტის თანახმად, მარეგულირებლის სიგნალებს აქვთ შემდეგი მნიშვნელობა: გ) წინ გაშვერილი მარჯვენა ხელი − ეს ჟესტი ნიშნავს „სდექ“ სიგნალს მარეგულირებლის მარჯვენა გვერდისა და ზურგის მხრიდან მოძრავი ყველა მძღოლისათვის; ამასთანავე, მარეგულირებლის მარცხენა გვერდის მხრიდან ტრამვაის უფლება აქვს, იმოძრაოს მარცხნივ, ხოლო ურელსო სატრანსპორტო საშუალებას უფლება აქვს, იმოძრაოს ყველა მიმართულებით. მარეგულირებლის მკერდის მხრიდან ყველა სატრანსპორტო საშუალებას უფლება აქვს, იმოძრაოს მხოლოდ მარჯვნივ. ქვეითს უფლება აქვს, გადავიდეს სავალ ნაწილზე მარეგუ-ლირებლის ზურგის უკან.