რომელი სატრანსპორტო საშუალების მძღოლს ეკრძალება ისრის მიმართულებით მოძრაობა მარეგულირებლის ამ სიგნალზე?
აქ მთავარია, საიდან უყურებ მარეგულირებელს. როცა ის შენკენ მკერდით დგას და ხელი წინ აქვს გამოშვერილი, წარმოიდგინე, რომ პირდაპირ გზა ჩაგიკეტა. ერთადერთი გზა, საითაც წასვლა შეგიძლია, არის მარჯვნივ. მსუბუქი ავტომობილი კი პირდაპირ აპირებს სვლას, ამიტომ მას მოძრაობა ეკრძალება. ავტობუსს მარცხნიდან ყველა გზა ხსნილი აქვს, მოტოციკლი კი ისედაც მარჯვნივ მიდის.
კანონი: „საგზაო მოძრაობის შესახებ“ საქართველოს კანონის 30-ე მუხლის მე-5 პუნქტის „გ“ ქვეპუნქტის თანახმად, მარეგულირებლის სიგნალებს აქვთ შემდეგი მნიშვნელობა: გ) წინ გაშვერილი მარჯვენა ხელი − ეს ჟესტი ნიშნავს „სდექ“ სიგნალს მარეგულირებლის მარჯვენა გვერდისა და ზურგის მხრიდან მოძრავი ყველა მძღოლისათვის; ამასთანავე, მარეგულირებლის მარცხენა გვერდის მხრიდან ტრამვაის უფლება აქვს, იმოძრაოს მარცხნივ, ხოლო ურელსო სატრანსპორტო საშუალებას უფლება აქვს, იმოძრაოს ყველა მიმართულებით. მარეგულირებლის მკერდის მხრიდან ყველა სატრანსპორტო საშუალებას უფლება აქვს, იმოძრაოს მხოლოდ მარჯვნივ. ქვეითს უფლება აქვს, გადავიდეს სავალ ნაწილზე მარეგუ-ლირებლის ზურგის უკან.