რომელი ავტომობილის მძღოლი დაარღვევს საგზაო მოძრაობის წესებს ისრის მიმართულებით მოძრაობის შემთხვევაში მარეგულირებლის ამ სიგნალზე?
დაიმახსოვრე მარტივი წესი: მარეგულირებლის ზურგი შენთვის იგივეა, რაც წითელი შუქი. კედელია! ლურჯი ავტომობილი ზუსტად ზურგის მხრიდან უახლოვდება, ამიტომ მისთვის მოძრაობა აკრძალულია. ის უნდა გაჩერდეს. დანარჩენებს რაც შეეხება: წითელს მკერდის მხრიდან მხოლოდ მარჯვნივ შეუძლია, თეთრს კი მარცხენა მხრიდან - ნებისმიერი მიმართულებით. ასე რომ, მხოლოდ ლურჯი არღვევს.
კანონი: „საგზაო მოძრაობის შესახებ“ საქართველოს კანონის 30-ე მუხლის მე-5 პუნქტის „გ“ ქვეპუნქტის თანახმად, მარეგულირებლის სიგნალებს აქვთ შემდეგი მნიშვნელობა: გ) წინ გაშვერილი მარჯვენა ხელი - ეს ჟესტი ნიშნავს „სდექ“ სიგნალს მარეგულირებლის მარჯვენა გვერდისა და ზურგის მხრიდან მოძრავი ყველა მძღოლისათვის. ამასთანავე, მარეგულირებლის მარცხენა გვერდის მხრიდან ტრამვაის უფლება აქვს იმოძრაოს მარცხნივ, ხოლო ურელსო სატრანსპორტო საშუალებებს უფლება აქვს, იმოძრაოს ყველა მიმართულებით. მარეგულირებლის მკერდის მხრიდან ყველა სატრანსპორტო საშუალებას უფლება აქვს, იმოძრაოს მხოლოდ მარჯვნივ. ქვეითს უფლება აქვს, გადავიდეს სავალ ნაწილზე მარეგუ¬ლირებლის ზურგის უკან.