რომელი სატრანსპორტო საშუალების მძღოლს ეკრძალებათ ისრის მიმართულებით მოძრაობა მარეგულირებლის ამ სიგნალზე?
როცა მარეგულირებელი ასე დგას, წინ გაშვერილი ხელით, ყველაფერი ძალიან მარტივია. წარმოიდგინე, რომ მისი გაშვერილი ხელი და მკერდი ქმნის ერთგვარ კედელს. ამ „კედლის“ მხრიდან მოძრავ ტრანსპორტს მხოლოდ მარჯვნივ შეუძლია წასვლა. ჩვენი ტრამვაი კი მარცხნივ უხვევს, ამიტომ ეკრძალება. მარჯვენა მხრიდან და ზურგიდან მოძრაობა კი ამ დროს ყოველთვის აკრძალულია. ავტობუსი ზუსტად მარჯვნიდან მოდის, ამიტომ ისიც ჩერდება. გამოდის, რომ ტრამვაისაც და ავტობუსსაც ეკრძალებათ მოძრაობა. მსუბუქი ავტომობილი კი მარცხნიდანაა, მისთვის ყველა მიმართულება ღიაა.
კანონი: „საგზაო მოძრაობის შესახებ“ საქართველოს კანონის 30-ე მუხლის მე-5 პუნქტის „გ“ ქვეპუნქტის თანახმად, მარეგულირებლის სიგნალებს აქვთ შემდეგი მნიშვნელობა: გ) წინ გაშვერილი მარჯვენა ხელი - ეს ჟესტი ნიშნავს „სდექ“ სიგნალს მარეგულირებლის მარჯვენა გვერდისა და ზურგის მხრიდან მოძრავი ყველა მძღოლისათვის; ამასთანავე, მარეგულირებლის მარცხენა გვერდის მხრიდან ტრამვაის უფლება აქვს, იმოძრაოს მარცხნივ, ხოლო ურელსო სატრანსპორტო საშუალებას უფლება აქვს, იმოძრაოს ყველა მიმართულებით. მარეგულირებლის მკერდის მხრიდან ყველა სატრანსპორტო საშუალებას უფლება აქვს, იმოძრაოს მხოლოდ მარჯვნივ. ქვეითს უფლება აქვს, გადავიდეს სავალ ნაწილზე მარეგუ-ლირებლის ზურგის უკან.