რომელი ავტომობილის მძღოლს აქვს უფლება გააგრძელოს მოძრაობა ისრის მიმართულებით, მარეგულირებლის ამ სიგნალზე?
რა მარტივია! შეხედე მარეგულირებელს, როგორც კედელს. წითელი მანქანა პირდაპირ ამ „კედელს“, ანუ მარეგულირებლის მკერდს უახლოვდება. მისთვის მარცხნივ გზა დაკეტილია, მხოლოდ მარჯვნივ შეუძლია წასვლა. შენ კი, თეთრი მანქანის ადგილას, მის მარცხენა მხარეს ხარ და შენთვის ყველა გზა ხსნილია. საითაც გინდა, იქით წადი. ამიტომ, მხოლოდ თეთრი მანქანა აგრძელებს მოძრაობას.
კანონი: „საგზაო მოძრაობის შესახებ“ საქართველოს კანონის 30-ე მუხლის მე-5 პუნქტის „გ“ ქვეპუნქტის თანახმად, მარეგულირებლის სიგნალებს აქვთ შემდეგი მნიშვნელობა - წინ გაშვერილი მარჯვენა ხელი − ეს ჟესტი ნიშნავს „სდექ“ სიგნალს მარეგულირებლის მარჯვენა გვერდისა და ზურგის მხრიდან მოძრავი ყველა მძღოლისათვის; ამასთანავე, მარეგულირებლის მარცხენა გვერდის მხრიდან ტრამვაის უფლება აქვს, იმოძრაოს მარცხნივ, ხოლო ურელსო სატრანსპორტო საშუალებას უფლება აქვს, იმოძრაოს ყველა მიმართულებით. მარეგულირებლის მკერდის მხრიდან ყველა სატრანსპორტო საშუალებას უფლება აქვს, იმოძრაოს მხოლოდ მარჯვნივ. ქვეითს უფლება აქვს, გადავიდეს სავალ ნაწილზე მარეგუ¬ლირებლის ზურგის უკან.