დაარღვეს თუ არა მსუბუქი ავტომობილის მძღოლი საგზაო მოძრაობის წესებს ისრის მიმართულებით მოძრაობის შემთხვევაში, თუ ყვითელი ავტობუსის მძღოლს უკვე დაწყებული აქვს გასწრება?
მთავარი აქ ისაა, რომ უკნიდან უკვე გისწრებენ.
სანამ შენ დაიწყებ გასწრებას, სარკეში უნდა ჩაიხედო. თუ ხედავ, რომ ყვითელი ავტობუსივით ვიღაცამ შენი გასწრება უკვე დაიწყო, შენს მანევრს ვეღარ დაიწყებ.
მარტივად რომ ვთქვათ, გასწრებაზე რიგია – ვინც პირველი დაიწყო, იმან უნდა დაასრულოს.
კანონი: „საგზაო მოძრაობის შესახებ“ საქართველოს კანონის 34-ე მუხლის მე-3 პუნქტის „ა“ ქვეპუნქტის თანახმად, გასწრების დაწყებამდე მძღოლი, ისე, რომ არ დაარღვიოს ამ კანონის მე-20 მუხლის მე-2 პუნქტითა და 32-ე მუხლით დადგენილი მოთხოვნები, უნდა დარწმუნდეს, რომ მის უკან მომავალი არცერთი სატრანსპორტო საშუალების მძღოლს გასწრება არ დაუწყია.
აქ მთავარია, რომ ეს გზაჯვარედინია.
დაიმახსოვრე მარტივი წესი: გზაჯვარედინზე გასწრება იკრძალება.
მწვანე შუქი გვაძლევს მოძრაობის გაგრძელების უფლებას, მაგრამ არა გასწრების. ეს ორი სხვადასხვა რამეა.
კანონი: „საგზაო მოძრაობის შესახებ“ საქართველოს კანონის 34-ე მუხლის მე-3 პუნქტის „ბ“ ქვეპუნქტის თანახმად, გასწრების დაწყებამდე მძღოლი, ისე, რომ არ დაარღვიოს ამ კანონის მე-20 მუხლის მე-2 პუნქტითა და 32-ე მუხლით დადგენილი მოთხოვნები, უნდა დარწმუნდეს, რომ მოძრაობის იმავე ზოლზე მის წინ მიმავალი სატრანსპორტო საშუალების მძღოლს არ მიუცია სიგნალი, რომ აპირებს, გაუსწროს სხვა სატრანსპორტო საშუალებას. აკრძალულია იმ სატრანსპორტო საშუალების გასწრება, რომელიც ახორციელებს გასწრე¬ბას ან დაბრკოლების შემოვლას. ამავე მუხლის მე-9 პუნქტის „ა.გ“ ქვეპუნქტის თანახმად, ამ მუხლის მე-3 პუნქტით დადგენილ მოთხოვნათა გათვალისწინებით გასწრება აკრძალულია წრიულმოძრაობიანი გზაჯვარედინისაგან განსხვავებულ გზაჯვარედინზე ან უშუალოდ ამ გზაჯვარედინის წინ, გარდა, იმ შემთხვევისა, როდესაც გასწრება ხორციელდება რეგულირებულ გზაჯვარედინზე საპირისპირო მოძრაობის ზოლზე გაუსვლელად. ამავე კანონის 36-ე მუხლის მე-2 პუნქტის თანახმად, გზაჯვარედინი, რომელზედაც მოძრაობის რიგითობა შუქნიშნის ან მარეგულირებლის სიგნალებით განისაზღვრება, რეგული¬რებული გზაჯვარედინია.
დააკვირდი, გზა წინ მშვენივრად ჩანს.
სწორედ ესაა მთავარი. რადგან ხილვადობა საკმარისია იმისთვის, რომ უსაფრთხოდ შეაფასო მანძილი და დაასრულო მანევრი, გასწრება არ გეკრძალება ასევე არ გეკრძალება იმიტომ რომ გაქვს ორი სამოძრაო ზოლი.
კანონი: „საგზაო მოძრაობის შესახებ“ საქართველოს კანონის 34-ე მუხლის მე-9 პუნქტის „ე“ ქვეპუნქტის თანახმად, ამ მუხლის მე-3 პუნქტით დადგენილ მოთხოვნათა გათვალისწინებით გასწრება აკრძალულია შეზღუდული ხილვადობის პირობებში საპირისპირო მოძრაობის ზოლზე გასვლით.
შეხედე საგზაო ნიშანს მარჯვნივ.
ეს ნიშანი გეუბნება, რომ შენ მთავარ გზაზე ხარ და გვერდიდან მეორეხარისხოვანი გზა გერთვება.
ხოლო, როცა მთავარ გზაზე ხარ, გზაჯვარედინზე გასწრების უფლება გაქვს. ასე რომ, შეგიძლია თამამად გაასწრო.
კანონი: „საგზაო მოძრაობის შესახებ“ საქართველოს კანონის 34-ე მუხლის მე-9 პუნქტის „ა“ და „ა.ბ“ ქვეპუნქტების თანახმად, ამ მუხლის მე-3 პუნქტით დადგენილ მოთხოვნათა გათვალისწინებით გასწრება აკრძალულია წრიულმოძრაობიანი გზაჯვარედინისაგან განსხვავებულ გზაჯვარედინზე ან უშუალოდ ამ გზაჯვარედინის წინ, გარდა იმ შემთხვევისა, როდესაც გასწრება ხორციელდება გზაზე, რომელზე მოძრაობის დროსაც მძღოლს ენიჭება გზაჯვარედინზე უპირატესი მოძრაობის უფლება. ამავე კანონის პირველი დანართის პირველი თავის 1.7.1 პუნქტის თანახმად საგზაო ნიშანი 1.7.1 „მეორეხარისხოვან გზასთან გადაკვეთა” - ისეთ გზასთან გადაკვეთა ან ისეთ გზასთან შეერთება, რომელზე მოძრავ მძღოლსაც აქვს გზის დათმობის ვალდებულება.
დაიმახსოვრე, ჩვეულებრივ გზაჯვარედინზე გასწრება არ შეიძლება, მაგრამ წრიული მოძრაობა არის მთავარი გამონაკლისი.
აქ გასწრება დაშვებულია, რასაც წყვეტილი ხაზიც გვიდასტურებს. ასე რომ, მწვანე მანქანას სრული უფლება აქვს, გააგრძელოს მოძრაობა.
კანონი: „საგზაო მოძრაობის შესახებ“ საქართველოს კანონის 34-ე მუხლის მე-9 პუნქტის „ა“ და „ა.ბ“ ქვეპუნქტების თანახმად, ამ მუხლის მე-3 პუნქტით დადგენილ მოთხოვნათა გათვალისწინებით გასწრება აკრძალულია წრიულმოძრაობიანი გზაჯვარედინისაგან განსხვავებულ გზაჯვარედინზე ან უშუალოდ ამ გზაჯვარედინის წინ, გარდა იმ შემთხვევისა, როდესაც გასწრება ხორციელდება გზაზე, რომელზე მოძრაობის დროსაც მძღოლს ენიჭება გზაჯვარედინზე უპირატესი მოძრაობის უფლება. ამავე კანონის მე-2 დანართის 1.5 პუნქტის თანახმად ჰორიზონტალური საგზაო მონიშვნა 1.5 ყოფს საპირისპირო მიმართულებით მოძრავ სატრანსპორტო ნაკადებს გზაზე, რომელსაც მოძრაობის ორი ან სამი ზოლი აქვს; აღნიშნავს მოძრაობის ზოლის საზღვარს ერთი მიმართულებით მოძრაობისათვის განკუთვნილი ორი და მეტი ზოლის არსებობისას. 1.5 ხაზის გადაკვეთა ნებადართულია ნებისმიერი მხრიდან.
ყველაფერს რომ თავი დავანებოთ, შეხედე გზაზე დახაზულ უწყვეტ ხაზს.
ასეთი ხაზის გადაკვეთა და გასწრება კატეგორიულად იკრძალება. ეს ხაზი სწორედ იმიტომაა, რომ გზის ეს მონაკვეთი, წრიულთან მიახლოების გამო, სახიფათოა. მარტივია, არა?
კანონი: „საგზაო მოძრაობის შესახებ“ საქართველოს კანონის 34-ე მუხლის მე-9 პუნქტის „ა“ და „ა.ბ“ ქვეპუნქტების თანახმად, ამ მუხლის მე-3 პუნქტით დადგენილ მოთხოვნათა გათვალისწინებით გასწრება აკრძალულია წრიულმოძრაობიანი გზაჯვარედინისაგან განსხვავებულ გზაჯვარედინზე ან უშუალოდ ამ გზაჯვარედინის წინ, გარდა იმ შემთხვევისა, როდესაც გასწრება ხორციელდება გზაზე, რომელზე მოძრაობის დროსაც მძღოლს ენიჭება გზაჯვარედინზე უპირატესი მოძრაობის უფლება. ამავე კანონის მე-2 დანართის პირველი თავის 1.1 პუნქტის თანახმად ჰორიზონტალური საგზაო მონიშვნა 1.1. ყოფს საპირისპირო მიმართულებით მოძრავ სატრანსპორტო ნაკადებს და გზის სახიფათო მონაკვეთზე აღნიშნავს მოძრაობის ზოლის საზღვარს ან სავალი ნაწილის საზღვარს, რომელზე შესვლაც აკრძალულია; აღნიშნავს სატრანსპორტო საშუალების დგომის ადგილის საზღვარს და იმ გზის სავალი ნაწილის ნაპირს, რომელიც მოძრაობის პირობებით არ განეკუთვნება ავტომაგისტრალს. 1.1 ხაზის გადაკვეთა აკრძალულია. დასაშვებია სავალი ნაწილის ნაპირის აღმნიშვნელი და მძღოლის მარჯვენა მხარეს განლაგებული 1.1 ხაზის გადაკვეთა სატრანსპორტო საშუალების გზის ნაპირზე გასაჩერებლად.
დაიმახსოვრე, გასწრება ყოველთვის მარცხნიდან ხდება.
მარჯვნიდან გასწრება მხოლოდ მაშინ შეიძლება, თუ წინ მიმავალი მანქანა მარცხნივ უხვევს.
ლურჯი მანქანა კი, როგორც ვხედავთ, პირდაპირ აგრძელებს სვლას. ამიტომ, ამ სიტუაციაში მარჯვნიდან გასწრება არ შეიძლება.
კანონი: „საგზაო მოძრაობის შესახებ“ საქართველოს კანონის 34-ე მუხლის პირველი პუნქტის თანახმად, გასწრება უნდა განხორციელდეს მარცხენა მხრიდან. მარჯვენა მხრიდან გასწრება ნებადართულია იმ შემთხვევაში, თუ მძღოლმა, რომელსაც უსწრებენ, მისცა სიგნალი, რომ მარცხნივ მოხვევას აპირებს, და თავისი სატრანსპორტო საშუალება ისე მიმართა, რომ შეუხვიოს სხვა გზაზე ან შევიდეს გზის მიმდებარე ტერიტორიაზე ან გაჩერდეს ამ მხარეს.
დაიმახსოვრე მთავარი წესი: გასწრება ყოველთვის ხდება მარცხნიდან!
მარჯვნიდან გასწრება მხოლოდ ერთადერთ შემთხვევაშია ნებადართული: თუ წინ მიმავალი მანქანა მარცხნივ უხვევს.
ამ სურათზე ტრაქტორი პირდაპირ მიდის, ამიტომ მარჯვნიდან ვერ გაასწრებ. დამატებით, „გასწრება აკრძალულია“ ნიშანიც ამას გვიდასტურებს. მარტივია, არა?
კანონი: „საგზაო მოძრაობის შესახებ“ საქართველოს კანონის 34-ე მუხლის პირველი პუნქტის თანახმად, კანონის 31-ე მუხლის მე-11 პუნქტის თანახმად, დაუსახლებელ და დასახლებულ პუნქტებში სავალი ნაწილის იმ მონაკვეთზე, რომელზედაც მოძრაობა ნებადართულია 80 კმ/სთ-ზე მეტი სიჩქარით, მძღოლმა უნდა იმოძრაოს სავალი ნაწილის მარჯვენა კიდესთან რაც შეიძლება ახლოს. აკრძალულია მარცხენა ზოლის დაკავება, როცა მარჯვენა ზოლი თავისუფალია, გარდა დაბრკოლების შემოვლის, მარცხნივ მოხვევის ან მობრუნების შემთხვევისა. ამავე კანონის 34-ე მუხლის პირველი პუნქტის თანახმად, გასწრება უნდა განხორციელდეს მარცხენა მხრიდან. მარჯვენა მხრიდან გასწრება ნებადართულია იმ შემთხვევაში, თუ მძღოლმა, რომელსაც უსწრებენ, მისცა სიგნალი, რომ მარცხნივ მოხვევას აპირებს, და თავისი სატრანსპორტო საშუალება ისე მიმართა, რომ შეუხვიოს სხვა გზაზე ან შევიდეს გზის მიმდებარე ტერიტორიაზე ან გაჩერდეს ამ მხარეს.
ხედავ, მარჯვენა ზოლი სულ თავისუფალია?
ზუსტად ეგაა მთავარი. როცა ქალაქგარეთ ხარ და მარჯვენა ზოლი თავისუფალია, მარცხენაში დგომა არ შეიძლება.
ის ლურჯი ნიშანი კი, დასახლების სახელით, სწორედ იმას ნიშნავს, რომ აქ ჯერ კიდევ ქალაქგარეთა მოძრაობის წესები მოქმედებს.
ამიტომ:
1. მწვანე ფურგონი არასწორად მოძრაობს მარცხენა ზოლში.
2. ყვითელი მანქანა კი, გარდა იმისა, რომ თვითონაც არასწორ ზოლშია, გასწრებასაც არასწორად, მარჯვნიდან აპირებს.
მოკლედ, ორივე არღვევს, ამიტომ ორივეს ეკრძალება.
კანონი: „საგზაო მოძრაობის შესახებ“ საქართველოს კანონის 34-ე მუხლის პირველი პუნქტის თანახმად, გასწრება უნდა განხორციელდეს მარცხენა მხრიდან. მარჯვენა მხრიდან გასწრება ნებადართულია იმ შემთხვევაში, თუ მძღოლმა, რომელსაც უსწრებენ, მისცა სიგნალი, რომ მარცხნივ მოხვევას აპირებს, და თავისი სატრანსპორტო საშუალება ისე მიმართა, რომ შეუხვიოს სხვა გზაზე ან შევიდეს გზის მიმდებარე ტერიტორიაზე ან გაჩერდეს ამ მხარეს. ამავე კანონის 31-ე მუხლის მე-11 პუნქტის თანახმად, დაუსახლებელ პუნქტში, აგრეთვე დასახლებულ პუნქტში გზის სავალი ნაწილის იმ მონაკვეთზე, რომელზედაც მოძრაობა ნებადართულია 80 კმ/სთ-ზე მეტი სიჩქარით, მძღოლმა უნდა იმოძრაოს სავალი ნაწილის მარჯვენა კიდესთან რაც შეიძლება ახლოს. აკრძალულია მარცხენა ზოლის დაკავება, როცა მარჯვენა ზოლი თავისუფალია, გარდა დაბრკოლების შემოვლის, მარცხნივ მოხვევის ან მობრუნების შემთხვევისა. ამავე კანონის პირველი დანართის მე-5 თავის (განსაკუთრებული მითითებების ნიშნები) 5.25 პუნქტის თანახმად, საგზაო ნიშანი 5.25 „დასახლებული პუნქტის დასაწყისი“ - მიუთითებს იმ დასახლებული პუნქტის დასაწყისს, რომელშიც არ მოქმედებს დასახლებულ პუნქტებში მოძრაობისათვის დადგენილი წესები.
აბა დაფიქრდი, სატვირთო მარცხნივ უხვევს და ფაქტობრივად, გზას გითავისუფლებს. ხომ არ დაელოდები, სანამ ის თავის მანევრს დაასრულებს?
სწორედ ამიტომ, როცა წინ მიმავალი მანქანა მარცხნივ უხვევს, წესები გაძლევს უფლებას, რომ მას მარჯვნიდან უსაფრთხოდ ჩაუარო. ამ სიტუაციაში არცერთი მძღოლი არ არღვევს.
კანონი: „საგზაო მოძრაობის შესახებ“ საქართველოს კანონის 34-ე მუხლის პირველი პუნქტის თანახმად, გასწრება უნდა განხორციელდეს მარცხენა მხრიდან. მარჯვენა მხრიდან გასწრება ნებადართულია იმ შემთხვევაში, თუ მძღოლმა, რომელსაც უსწრებენ, მისცა სიგნალი, რომ მარცხნივ მოხვევას აპირებს, და თავისი სატრანსპორტო საშუალება ისე მიმართა, რომ შეუხვიოს სხვა გზაზე ან შევიდეს გზის მიმდებარე ტერიტორიაზე ან გაჩერდეს ამ მხარეს. ამავე მუხლის მე-9 პუნქტის „ა.ა“ და “ა.ბ“ ქვეპუნქტების თანახმად ამ მუხლის მე-3 პუნქტით დადგენილ მოთხოვნათა გათვალისწინებით გასწრება აკრძალულია წრიულმოძრაობიანი გზაჯვარედინისაგან განსხვავებულ გზაჯვარედინზე ან უშუალოდ ამ გზაჯვარედინის წინ, გარდა: ა.ა) ამ კანონით გათვალისწინებული მარჯვნიდან ნებადართული გასწრების შემთხვევისა; ა.ბ) იმ შემთხვევისა, როდესაც გასწრება ხორციელდება გზაზე, რომელზე მოძრაობის დროსაც მძღოლს ენიჭება გზაჯვარედინზე უპირატესი მოძრაობის უფლება.
ხედავ „ზებრას“? მასზე ქვეითები გადადიან.
დაიმახსოვრე, ქვეითთა გადასასვლელზე, რომელზეც ადამიანია, გასწრება კატეგორიულად იკრძალება.
სატვირთო ხედვას გიფარავს და მის გამო შეიძლება ქვეითი ვერ დაინახო. სწორედ ამიტომაა ეს მანევრი დარღვევა და ძალიან სახიფათოა.
კანონი: „საგზაო მოძრაობის შესახებ“ საქართველოს კანონის 25-ე მუხლის მე-2 პუნქტის „ბ“ ქვეპუნქტის თანახმად . ქვეითთა გადასასვლელზე ამ კანონის 21-ე მუხლის მე-6 პუნქტით, 33-ე მუხლის მე-2 პუნქტითა და 34-ე მუხლის მე-11 პუნქტით დადგენილ მოთხოვნათა დაცვით უნდა შესრულდეს შემდეგი მოთხოვნები: ბ) თუ სატრანსპორტო საშუალებათა მოძრაობა არ რეგულირდება არც საგზაო შუქნიშნით და არც მარეგულირებლის მეშვეობით, მძღოლმა ქვეითთა გადასასვლელთან მიახლოებისას სათანადოდ უნდა შეამციროს სიჩქარე, რათა საფრთხე არ შეუქმნას ამ გადასასვლელზე შესულ ან შემავალ ქვეითებს, ხოლო საჭიროების შემთხვევაში უნდა გაჩერდეს და გაატაროს ქვეითები. ამავე კანონის 34-ე მუხლის მე-11 პუნქტის თანახმად, სატრანსპორტო საშუალებას შეუძლია იმ სატრანსპორტო საშუალებას, რომელიც უახლოვდება ქვეითთა გადასასვლელს ან რომელიც შეჩერდა უშუალოდ ამ გადასასვლელის წინ, გაუსწროს მხოლოდ საკმარისად შემცირებული სიჩქარით, რათა უზრუნველყოს დროული გაჩერება გადასასვლელზე ქვეითის აღმოჩენის შემთხვევაში. აკრძალულია ქვეითთა გადასასვლელზე გასწრება, თუ მასზე ქვეითი მოძრაობს.
აქ მთავარი ის კი არაა, რომ გზაჯვარედინია, არამედ ის, რომ მოტოციკლს ასწრებ.
გზაჯვარედინზე გასწრება ზოგადად იკრძალება, მაგრამ ორთვლიანი მოტოციკლის გასწრება გამონაკლისია და ყოველთვის შეგიძლია. ამიტომ, მანევრის დასრულება არ გეკრძალება.
კანონი: „საგზაო მოძრაობის შესახებ“ საქართველოს კანონის 34-ე მუხლის მე-9 პუნქტის „ა.ბ“ ქვეპუნქტის თანახმად, ამ მუხლის მე-3 პუნქტით დადგენილ მოთხოვნათა გათვალისწინებით გასწრება აკრძალულია წრიულმოძრაობიანი გზაჯვარედინისაგან განსხვავებულ გზაჯვარედინზე ან უშუალოდ ამ გზაჯვარედინის წინ, გარდა იმ შემთხვევისა, როდესაც გასწრება ხორციელდება გზაზე, რომელზე მოძრაობის დროსაც მძღოლს ენიჭება გზაჯვარედინზე უპირატესი მოძრაობის უფლება. ამავე მუხლის მე-10 პუნქტის თანახმად ამ მუხლის მე-9 პუნქტის „ა“ და „ბ“ ქვეპუნქტებით განსაზღვრული აკრძალვები არ ვრცელდება ორთვლიანი ველოსიპედის, მოპედისა და ორთვლიანი უეტლო მოტოციკლის გასწრების შემთხვევებზე.
ყურადღება მიაქციე მოტოციკლის ეტლს. სწორედ ეგ ეტლი ცვლის ყველაფერს.
თანაბარმნიშვნელოვან გზაჯვარედინზე მხოლოდ უეტლო, ორთვლიანი მოტოციკლის გასწრების უფლება გვაქვს. ამ შემთხვევაში კი ეტლიანია, ამიტომ გასწრება გეკრძალება.
კანონი: „საგზაო მოძრაობის შესახებ“ საქართველოს კანონის 34-ე მუხლის მე-9 პუნქტის „ა.ბ“ ქვეპუნქტის თანახმად, ამ მუხლის მე-3 პუნქტით დადგენილ მოთხოვნათა გათვალისწინებით გასწრება აკრძალულია წრიულმოძრაობიანი გზაჯვარედინისაგან განსხვავებულ გზაჯვარედინზე ან უშუალოდ ამ გზაჯვარედინის წინ, გარდა იმ შემთხვევისა, როდესაც გასწრება ხორციელდება გზაზე, რომელზე მოძრაობის დროსაც მძღოლს ენიჭება გზაჯვარედინზე უპირატესი მოძრაობის უფლება. ამავე მუხლის მე-10 პუნქტის თანახმად ამ მუხლის მე-9 პუნქტის „ა“ და „ბ“ ქვეპუნქტებით განსაზღვრული აკრძალვები არ ვრცელდება ორთვლიანი ველოსიპედის, მოპედისა და ორთვლიანი უეტლო მოტოციკლის გასწრების შემთხვევებზე.
დაარღვევს თუ არა საგზაო მოძრაობის წესებს ლურჯი მსუბუქი ავტომობილის მძღოლი ისრის მიმართულებით მოძრაობის შემთხვევაში, თუ მანძილი აღმართის ბოლომდე 80 მეტრია?
აქ ყველაფერს წყვეტილი ღერძულა ხაზი და კითხვის პირობა წყვეტს.
კანონი გვეუბნება, რომ აღმართის ბოლოს გასწრება იკრძალება, თუ ხილვადობა 100 მეტრზე ნაკლებია. ჩვენს შემთხვევაში კი, მოცემულია მხოლოდ მანძილი აღმართის ბოლომდე (80 მეტრი) და არა ხილვადობა. რადგან წყვეტილი ხაზი გასწრების უფლებას გვაძლევს და არც ამკრძალავი ნიშანი დგას, გამოდის, რომ წესს არ ვარღვევთ.
კანონი: „საგზაო მოძრაობის შესახებ“ საქართველოს კანონის პირველი დანართის პირველი თავის (მაფრთხილებელი ნიშნები) 1.15 პუნქტის თანახმად საგზაო ნიშანი 1.15. „ციცაბო აღმართი“ − იძლევა გაფრთხილებას ციცაბოაღმართიან გზის მონაკვეთთან მიახლოების თაობაზე. ამავე კანონის 34-ე მუხლის მე-9 პუნქტის „ე“ ქვეპუნქტის თანახმად, ამ მუხლის მე-3 პუნქტით დადგენილ მოთხოვნათა გათვალისწინებით გასწრება აკრძალულია შეზღუდული ხილვადობის პირობებში საპირისპირო მოძრაობის ზოლზე გასვლით. კითხვაში მოცემული 80 მეტრი აღმართის ბოლომდე მანძილია და არა ხილვადობა, ამიტომ ეს აკრძალვა აქ არ მოქმედებს: ღერძულა ხაზი წყვეტილია და გასწრების ამკრძალავი ნიშანი არ დგას.
დააკვირდი, გზა აღმართზე ადის და არ ჩანს, რა ხდება მის უკან.
წარმოიდგინე, რომ გასწრება დაიწყო და უცებ აღმართიდან სხვა მანქანა გამოჩნდა... სწორედ ამიტომ, ასეთ სახიფათო, უხილავ მონაკვეთზე გასწრება ყოველთვის იკრძალება.
კანონი: „საგზაო მოძრაობის შესახებ“ საქართველოს კანონის პირველი დანართის პირველი თავის (მაფრთხილებელი ნიშნები) 1.15 პუნქტის თანახმად საგზაო ნიშანი 1.15. „ციცაბო აღმართი“ − იძლევა გაფრთხილებას ციცაბოაღმართიან გზის მონაკვეთთან მიახლოების თაობაზე. ამავე კანონის 34-ე მუხლის მე-9 პუნქტის „ე“ ქვეპუნქტის თანახმად, ამ მუხლის მე-3 პუნქტით დადგენილ მოთხოვნათა გათვალისწინებით გასწრება აკრძალულია შეზღუდული ხილვადობის პირობებში საპირისპირო მოძრაობის ზოლზე გასვლით.
დააკვირდი, ამ აღმართზე ჩვენი მიმართულებით ორი სამოძრაო ზოლია.
მწვანე მანქანა გასწრებისთვის იყენებს თავის მეორე ზოლს და საპირისპირო მიმართულებაზე საერთოდ არ გადადის. რადგან საპირისპირო ზოლში არ გადავდივართ, ხილვადობის შეზღუდვას მნიშვნელობა არ აქვს და გასწრებაც დაშვებულია.
კანონი: „საგზაო მოძრაობის შესახებ“ საქართველოს კანონის პირველი დანართის პირველი თავის (მაფრთხილებელი ნიშნები) 1.15 პუნქტის თანახმად საგზაო ნიშანი 1.15. „ციცაბო აღმართი“ − იძლევა გაფრთხილებას ციცაბოაღმართიან გზის მონაკვეთთან მიახლოების თაობაზე. ამავე კანონის 34-ე მუხლის მე-9 პუნქტის „ე“ ქვეპუნქტის თანახმად, ამ მუხლის მე-3 პუნქტით დადგენილ მოთხოვნათა გათვალისწინებით გასწრება აკრძალულია შეზღუდული ხილვადობის პირობებში საპირისპირო მოძრაობის ზოლზე გასვლით.
დაარღვევს თუ არა საგზაო მოძრაობის წესებს თეთრი ავტომობილის მძღოლი ისრით მითითებული მანევრის შესრულების შემთხვევაში, თუ მარცხენა მხრიდან ქვეითს დაწყებული აქვს გადასვლა?
შეხედე ქვეითებს გადასასვლელზე? მთავარი აქ სწორედ ეგაა.
როცა ქვეითთა გადასასვლელზე ადამიანია, იქ გასწრება კატეგორიულად იკრძალება. დაფიქრდი, მწვანე მანქანა ხომ შეიძლება სწორედ მათ გამო ანელებს, შენ კი გასწრებისას მათ უბრალოდ ვერ დაინახავ.
კანონი: „საგზაო მოძრაობის შესახებ“ საქართველოს კანონის 34-ე მუხლის მე-11 პუნქტის თანახმად, სატრანსპორტო საშუალებას შეუძლია იმ სატრანსპორტო საშუალებას, რომელიც უახლოვდება ქვეითთა გადასასვლელს ან რომელიც შეჩერდა უშუალოდ ამ გადასასვლელის წინ, გაუსწროს მხოლოდ საკმარისად შემცირებული სიჩქარით, რათა უზრუნველყოს დროული გაჩერება გადასასვლელზე ქვეითის აღმოჩენის შემთხვევაში. აკრძალულია ქვეითთა გადასასვლელზე გასწრება, თუ მასზე ქვეითი მოძრაობს.
აი, შეხედე ქვეითთა გადასასვლელს. ხედავ, ხალხი რომ გადადის?
სულ ესაა. როგორც კი ქვეითთა გადასასვლელზე ადამიანია, გასწრება კატეგორიულად იკრძალება. უბრალოდ დაიმახსოვრე, რომ ეს იგივეა, წითელ შუქზე რომ გაიარო. მით უმეტეს, როცა წინ მიმავალი მანქანა ხედვას გიფარავს.
კანონი: „საგზაო მოძრაობის შესახებ“ საქართველოს კანონის 34-ე მუხლის მე-11 პუნქტის თანახმად, სატრანსპორტო საშუალებას შეუძლია იმ სატრანსპორტო საშუალებას, რომელიც უახლოვდება ქვეითთა გადასასვლელს ან რომელიც შეჩერდა უშუალოდ ამ გადასასვლელის წინ, გაუსწროს მხოლოდ საკმარისად შემცირებული სიჩქარით, რათა უზრუნველყოს დროული გაჩერება გადასასვლელზე ქვეითის აღმოჩენის შემთხვევაში. აკრძალულია ქვეითთა გადასასვლელზე გასწრება, თუ მასზე ქვეითი მოძრაობს.
აქვს თუ არა უფლება თეთრი მსუბუქი ავტომობილის მძღოლს დაიწყოს გასწრების მანევრი, თუ ავტობუსის მძღოლს ჩართული აქვს მარცხნივ მოხვევის მაჩვენებელი და დაწყებული აქვს გასწრება?
მთავარი წესი აქ არის: მანქანას, რომელიც უკვე გასწრებაზეა, შენ ვეღარ გაასწრებ.
წარმოიდგინე, რომ ეს არის ერთგვარი რიგი მოძრაობაში. ავტობუსმა უკვე დაიწყო მანევრი, ამიტომ შენ უნდა დაელოდო, სანამ ის დაასრულებს, თავის ზოლში დაბრუნდება და მხოლოდ ამის შემდეგ შეგიძლია შენ დაიწყო გასწრება.
კანონი: „საგზაო მოძრაობის შესახებ“ საქართველოს კანონის 34-ე მუხლის მე-3 პუნქტის „ა“ ქვეპუნქტის თანახმად, გასწრების დაწყებამდე მძღოლი, ისე, რომ არ დაარღვიოს ამ კანონის მე-20 მუხლის მე-2 პუნქტითა და 32-ე მუხლით დადგენილი მოთხოვნები, უნდა დარწმუნდეს, რომ მის უკან მომავალი არცერთი სატრანსპორტო საშუალების მძღოლს გასწრება არ დაუწყია.
აქვს თუ არა უფლება სატვირთო ავტომობილის მძღოლს დაიწყოს გასწრების მანევრი, თუ მსუბუქი ავტომობილის მძღოლს ჩართული აქვს მარცხნივ მოხვევის მაჩვენებელი და დაწყებული აქვს გასწრება?
წარმოიდგინე, რომ შენ ხარ სატვირთოს მძღოლი. სანამ გასწრებას დაიწყებ, პირველი საქმეა სარკეში ჩახედვა, ხომ მართალია?
სარკეში კი რას ხედავ? წითელ მანქანას, რომელმაც შენზე ადრე დაიწყო გასწრება.
სწორედ ამიტომ, შენ უნდა დაელოდო. ჯერ ის დაასრულებს მანევრს და მერე შენი ჯერია.
კანონი: „საგზაო მოძრაობის შესახებ“ საქართველოს კანონის 34-ე მუხლის მე-3 პუნქტის „ა“ ქვეპუნქტის თანახმად, გასწრების დაწყებამდე მძღოლი, ისე, რომ არ დაარღვიოს ამ კანონის მე-20 მუხლის მე-2 პუნქტითა და 32-ე მუხლით დადგენილი მოთხოვნები, უნდა დარწმუნდეს, რომ მის უკან მომავალი არცერთი სატრანსპორტო საშუალების მძღოლს გასწრება არ დაუწყია.
დაიმახსოვრე, გასწრების წინ ყველაფერი უნდა შეამოწმო. ამიტომ სწორი პასუხია: „ამ ბილეთში ჩამოთვლილ ყველა გარემოებაში“.
კანონი: „საგზაო მოძრაობის შესახებ“ საქართველოს კანონის 34-ე მუხლის მე-3 პუნქტის „ა“, „ბ“ და „გ“ ქვეპუნქტების თანახმად, გასწრების დაწყებამდე მძღოლი, ისე, რომ არ დაარღვიოს ამ კანონის მე-20 მუხლის მე-2 პუნქტითა და 32-ე მუხლით დადგენილი მოთხოვნები, უნდა დარწმუნდეს, რომ: ა) მის უკან მომავალი არცერთი სატრანსპორტო საშუალების მძღოლს გასწრება არ დაუწყია; ბ) მოძრაობის იმავე ზოლზე მის წინ მიმავალი სატრანსპორტო საშუალების მძღოლს არ მიუცია სიგნალი, რომ აპირებს, გაუსწროს სხვა სატრანსპორტო საშუალებას. აკრძალულია იმ სატრანსპორტო საშუალების გასწრება, რომელიც ახორციელებს გასწრე¬ბას ან დაბრკოლების შემოვლას; გ) მას შეუძლია გასწრება ისე განახორციელოს, რომ არ შეუქმნას საფრთხე ან დაბრკოლება სხვა საგზაო მოძრაობის მონაწილეებს. იგი აგრეთვე უნდა დარწმუნდეს, რომ მოძრაობის ზოლი, რომელზედაც აპირებს გასვლას, საკმარის მანძილზე თავისუფალია და ორი სატრანსპორტო საშუალების სიჩქარეთა ფარდობა საკმარისად მოკლე დროში გასწრების საშუალებას იძლევა.
დაიმახსოვრე: მარჯვნიდან გასწრება შეიძლება მხოლოდ მაშინ, თუ წინ მიმავალი მანქანა მარცხნივ უხვევს.
კანონი: „საგზაო მოძრაობის შესახებ“ საქართველოს კანონის 34-ე მუხლის პირველი პუნქტის თანახმად, გასწრება უნდა განხორციელდეს მარცხენა მხრიდან. მარჯვენა მხრიდან გასწრება ნებადართულია იმ შემთხვევაში, თუ მძღოლმა, რომელსაც უსწრებენ, მისცა სიგნალი, რომ მარცხნივ მოხვევას აპირებს, და თავისი სატრანსპორტო საშუალება ისე მიმართა, რომ შეუხვიოს სხვა გზაზე ან შევიდეს გზის მიმდებარე ტერიტორიაზე ან გაჩერდეს ამ მხარეს.
დასაშვებია თუ არა იმ სატრანსპორტო საშუალების გასწრება, რომელიც უახლოვდება სავალ ნაწილზე შესაბამისად აღნიშნულ ქვეითთა გადასასვლელს, ან რომელიც შეჩერდა უშუალოდ ამ გადასასვლელის წინ?
დაიმახსოვრე: გადასასვლელთან გასწრება დასაშვებია, თუ იქ ქვეითი არ არის. მთავარია, სიჩქარე შეამცირო, რომ საჭიროებისას მომენტალურად გააჩერო.
კანონი: „საგზაო მოძრაობის შესახებ“ საქართველოს კანონის 34-ე მუხლის მე-11 პუნქტის თანახმად, სატრანსპორტო საშუალებას შეუძლია იმ სატრანსპორტო საშუალებას, რომელიც უახლოვდება ქვეითთა გადასასვლელს ან რომელიც შეჩერდა უშუალოდ ამ გადასასვლელის წინ, გაუსწროს მხოლოდ საკმარისად შემცირებული სიჩქარით, რათა უზრუნველყოს დროული გაჩერება გადასასვლელზე ქვეითის აღმოჩენის შემთხვევაში. აკრძალულია ქვეითთა გადასასვლელზე გასწრება, თუ მასზე ქვეითი მოძრაობს.
დააკვირდი საგზაო ნიშანს, წითელი წრით. ის პირდაპირ გეუბნება, რომ სატვირთო მანქანით გასწრება აკრძალულია.
სურათზე სატვირთო ზუსტად ამ მანევრს ასრულებს, ანუ არღვევს წესს. მსუბუქი ავტომობილი კი უბრალოდ აგრძელებს გზას, რისი უფლებაც, რა თქმა უნდა, აქვს.
კანონი: „საგზაო მოძრაობის შესახებ“ საქართველოს კანონის პირველი დანართის 3.22 პუნქტის თანახმად, საგზაო ნიშანი 3.22 „სატვირთო ავტომობილით გასწრება აკრძალულია” - კრძალავს 3,5 ტონაზე მეტი ნებადართული მაქსიმალური მასის მქონე სატვირთო ავტომობილით სხვა სატრანსპორტო საშუალების გასწრებას (გარდა 30 კმ/სთ-ზე ნაკლები სიჩქარით მოძრავი ტრანსპორტისა), აგრეთვე ტრაქტორით სხვა სატრანსპორტო საშუალების გასწრებას (გარდა საჭაპანო ტრანსპორტისა და ველოსიპედისა). ამავე კანონის 38-ე მუხლის მე-5 პუნქტის თანახმად, ამ მუხლის პირველი−მე-3 პუნქტების გამოყენებისას ავტომაგისტრალს უთანაბრდება საავტომობილო მოძრაობისათვის განკუთვნილი და 5.3 საგზაო ნიშნით აღნიშნული ის გზები, რომლებიც მიმდებარე ტერიტორიებს არ ემსახურება. ამავე დანართის 5.3 პუნქტის თანახმად საგზაო ნიშანი 5.3. „საავტომობილო გზა“ − გზა, რომელიც განკუთვნილია მხოლოდ ავტომობილისა და მოტოციკლის მოძრაობისათვის.
აქ ერთი კი არა, ორი დარღვევაა.
დავიწყოთ წითელი მანქანით: ასე, ბუქსირით მოტოციკლის გადაყვანა წესების დარღვევაა.
ახლა შავი მანქანა: ის უხეშად არღვევს, რადგან გასწრებას იწყებს „გასწრება აკრძალულია“ ნიშნის მოქმედების ზონაში და თან უწყვეტ ხაზსაც კვეთს.
მოკლედ, აქ ორივე მძღოლი არასწორად იქცევა.
კანონი: „საგზაო მოძრაობის შესახებ“ საქართველოს კანონის პირველი დანართის მე-ს თავის (ამკრძალავი ნიშანები) 3.20 პუნქტის თანახმად, საგზაო ნიშანი 3.20 „გასწრება აკრძალულია” - კრძალავს ყველა სახის მექანიკური სატრან¬სპორ¬ტო საშუალების გასწრებას (გარდა 30 კმ/სთ-ზე ნაკლები სიჩქარით მოძრავი ტრანსპორტისა). ნებადართულია გასწრება უეტლო მოტოციკლის, მოპედისა და ველოსიპედის შემხვედრი მოძრაობის ზოლში გადაუსვლელად. ამავე კანონის 45-ე მუხლის მე-6 პუნქტის „დ“ ქვეპუნქტის თანახმად აკრძალულია ბუქსირება მოტოციკლით, გვერდითი მისაბმელის გარეშე, აგრეთვე ასეთი მოტოციკლის ბუქსირება.
