დაარღვეს თუ არა თეთრი ავტომობილის მძღოლი საგზაო მოძრაობის წესებს, სურათზე მითითებულ ადგილას გაჩერების შემთხვევაში?

შეხედე, მანქანასა და გზის შუა უწყვეტ ხაზს შორის მანძილი 2 მეტრია. ეს იმას ნიშნავს, რომ შენს გვერდით ჩავლისას, სხვა მანქანები იძულებულები გახდებიან, რომ ეს უწყვეტი ხაზი გადაკვეთონ. უსაფრთხოებისთვის, კანონი ამბობს, რომ მინიმუმ 3 მეტრი უნდა დატოვო. აქ კი მხოლოდ 2 მეტრია, ამიტომ მძღოლი წესებს არღვევს.

კანონი: „საგზაო მოძრაობის შესახებ“ საქართველოს კანონის 37-ე მუხლის მე-6 პუნქტის „ბ.დ“ ქვეპუნქტის თანახმად, აკრძალულია სატრანსპორტო საშუალებების გაჩერება ნებისმიერ ადგილზე, სადაც მას შეუძლია შექმნას საფრთხე, მათ შორის, იმ ადგილას, სადაც მონიშვნის უწყვეტ ხაზსა (სავალი ნაწილის ნაპირის აღმნიშვნელი მონიშვნის გარდა) და გაჩერებულ სატრან-სპორტო საშუალებას შორის მანძილი 3 მეტრზე ნაკლებია.