რომელი ავტომობილის მძღოლს ეკრძალება ისრის მიმართულებით მოძრაობა, თუ მოცემული გზის შუა ზოლი ორივე მიმართულებით მოძრაობისათვის გამოიყენება?
დაიმახსოვრე, ასეთ სამზოლიან გზაზე მარცხენა, ანუ მესამე ზოლი, სხვისია - ის მხოლოდ შემხვედრი მოძრაობისთვისაა. შუა ზოლს გასწრებისთვის ვიყენებთ, მაგრამ მესამეში გადასვლა იგივეა, რაც „შემხვედრზე“ გადასვლა. რადგან ისარი ორივე ავტომობილს ამ აკრძალულ ზოლში უჩვენებს, მოძრაობა ორივეს ეკრძალება.
კანონი: „საგზაო მოძრაობის შესახებ“ საქართველოს კანონის 31-ე მუხლის მე-7 პუნქტის თანახმად, სამი მოძრაობის ზოლის მქონე (გარდა 1.9 საგზაო მონიშვნისა) ორმხრივმოძრაობიან გზაზე სატრანსპორტო საშუალების მძღოლი არ უნდა გადავიდეს სავალი ნაწილის განაპირა ზოლზე, სადაც საპირისპირო მიმართულების მოძრაობა ხორციელდება. თუ სამი მოძრაობის ზოლის მქონე გზაზე შუა ზოლი ორივე მიმართულებით მოძრაობისათვის გამოიყენება, ამ ზოლზე გასვლა ნებადართულია მხოლოდ გასწრების, დაბრკოლების შემოვლის, მარცხნივ მოხვევის ან მობრუნების მიზნით.