მოცემულ სიტუაციაში, ვალდებულია თუ არა ლურჯი ავტომობილის მძღოლი ისრის მიმართულებით მობრუნების მანევრის შესრულებისას გაჩერდეს გამყოფ ზოლებს შორის არსებულ მოძრაობის ამკრძალავ შუქნიშნის მაშუქ სიგნალზე?
დააკვირდი, გამყოფ ზოლში, შუქნიშნის წინ „სდექ“ ხაზი არ არის. სწორედ ეს ხაზი წყვეტს ყველაფერს. რადგან ის არ არის, შენთვის ეს ერთი მთლიანი გზაჯვარედინია. მწვანეზე შეხვედი? ესე იგი, მანევრიც ბოლომდე უნდა დაასრულო, მეორე შუქნიშანზე გაჩერების გარეშე. „სდექ“ ხაზი რომ ყოფილიყო, მაშინ მოგიწევდა გაჩერება და მის სიგნალს დალოდება.
კანონი: „საგზაო მოძრაობის შესახებ“ საქართველოს კანონის 36-ე მუხლის მე-3 პუნქტის „ე“ ქვეპუნქტის თანახმად, შუქნიშნის ნებადამრთველ სიგნალზე გზაჯვარედინზე შესულ მძღოლს შეუძლია იმოძრაოს დასახული მიმართულებით, გზაჯვარე¬დინიდან გასასვლელზე არსებული შუქნიშნის ამკრძალავი სიგნალების მიუხედავად, მაგრამ იმ პირობით, რომ ეს არ დააბრკოლებს სხვა საგზაო მოძრაობის მონაწილეთა იმ მიმართულებით მოძრაობას, რომელზედაც მოძრაობა გახსნილია. თუ გზაჯვარედინზე მისი მოძრაობისას გზაზე არსებული შუქნიშნების წინ „სდექ“ ხაზებია (ან/და 7.16 საგზაო ნიშნებია), მძღოლმა უნდა იხელმძღვა¬ნელოს თითოეული შუქნიშნის სიგნალით.