აქვს თუ არა წითელი ავტომობილის მძღოლს ისრის მიმართულებით მოძრაობის გაგრძელების უფლება, თუ შუქნიშნის მწვანე მაშუქი სიგნალის შემდეგ, ყვითელი მაშუქი სიგნალის ჩართვისას მას არ შეეძლო „სდექ“ ხაზთან გაჩერება მკვეთრი დამუხრუჭების გარეშე?
აქ მთავარია უსაფრთხოება. მკვეთრი დამუხრუჭება ხომ შეიძლება ავარიის მიზეზი გახდეს? სწორედ ამიტომ, თუ ყვითელი შუქი აინთო და უსაფრთხოდ გაჩერებას ვეღარ ასწრებ, კანონი გაძლევს უფლებას, რომ მოძრაობა დაასრულო. შენს შემდეგ ვისაც მწვანე აუნთდება, ის ვალდებულია დაგელოდოს, სანამ გზაჯვარედინს ბოლომდე არ გაათავისუფლებ. ანუ, მარტივად რომ ვთქვათ, უსაფრთხოდ გადი და არაფერს არღვევ.
კანონი: „საგზაო მოძრაობის შესახებ“ საქართველოს კანონის 29-ე მუხლის მე-14 პუნქტის თანახმად, მძღოლს, რომელსაც ყვითელი მაშუქი სიგნალის ჩართვის დროს მკვეთრად დამუხრუჭების გარეშე არ შეუძლია გაჩერდეს ამ მუხლის მე-13 პუნქტით განსაზღვრულ ადგილებში, უფლება აქვს, განაგრძოს მოძრაობა. ამავე კანონის 36-ე მუხლის მე-3 პუნქტის „ვ“ ქვეპუნქტის თანახმად, რეგულირებულ გზაჯვარედინზე, შუქნიშნის ნებადამრთველი სიგნალის ჩართვისას მძღოლი ვალდებულია გზა დაუთმოს იმ სატრანსპორტო საშუალებას, რომელიც ამთავრებს გზაჯვარედინზე გადასვლას, და ქვეითს, რომელმაც ვერ დაამთავრა სავალ ნაწილზე გადასვლა მოცემული მიმართულებით.