მოცემულ სიტუაციაში, ეკრძალება თუ არა ყვითელი ავტომობილის მძღოლს ისრის მიმართულებით მოძრაობა?

აბა, დააკვირდი ნიშნებს. ზედა ნიშანი, „მოძრაობა პირდაპირ“, გვიკრძალავს მარჯვნივ მოხვევას, მაგრამ მის ქვეშ ვხედავთ დამატებით დაფას, რომელიც ამბობს: „გარდა შეზღუდული შესაძლებლობის მქონე პირისა“. რადგან ჩვენს ყვითელ ავტომობილს აქვს შესაბამისი საცნობი ნიშანი, ეს შეზღუდვა მასზე არ ვრცელდება და თავისუფლად შეუძლია ისრის მიმართულებით წავიდეს.

კანონი: „საგზაო მოძრაობის შესახებ“ საქართველოს კანონის პირველი დანართის მე-4 თავის (მიმთითებელი ნიშნები) 4.1.1 პუნქტის შენიშვნის „ა“ ქვეპუნქტის თანახმად, საგზაო ნიშანი 4.1.1 “მოძრაობა პირდაპირ“ რთავს მხოლოდ ისრებით ნაჩვენები მიმართულებებით მოძრაობის ნებას. ამავე დანართის მე-8 თავის (დამატებითი ინფორმაციის ნიშნები (დაფები)) 8.18 პუნქტის თანახმად, დაფა 8.18 „გარდა შეზღუდული შესაძლებლობის მქონე პირისა” - მიუთითებს, რომ ნიშნის მოქმედება არ ვრცელდება სატრანსპორტო საშუალებაზე, რომელზედაც დამაგრებულია საცნობი ნიშანი „შეზღუდული შესაძლებლობის მქონე პირი“.